Na’in Ba Timor Plaza Harii Edifisiu Foun Administrasaun Maubara

Naunil Media (Maubara), Administrador Postu Administrativu Maubara Domingos Alves Correia, Informa na’in ba Timor Plaza Kong So Jape, harii ona edifisiu foun administrasaun iha postu Administrativu Maubara.

“ Prosesu konstrusaun edifisiu foun postu administrativu Maubara, ne’e koopersaun ho Avô Kong So Jape na’in ba Timor Plaza,  prosesu ne’e lao kleur tebe-tebes,  tuir lolos estadu halo ona edifisiu foun ne’e iha tinan 2019, iha tinan 2018 hasoru malu ho na’in ba Timor Plaza ikus mai kansela tia governu nia programa, kontinua lao ho avô hanesan mós Maubara oan ida kooperasaun ho autoridade, nune’e koordenasaun di’ak ba malu, iha loron 4 fulan Abril tinan 2018 konsege halo lansamentu ba konstrusaun ba edifisiu foun ne’e”, Dehan Administrador Postu Administrativu Maubara Domingos Alves Correia ba Naunil Media iha nia knaar fatin postu administrativu Maubara, Munisípiu Liquiçá, segunda (06/12).

Nia hatutan, iha momentu halo lansamentu ne’e ha’u konvida  xefí suku na’in  7, hodi partisipa ba lansamentu, kontribuisaun husi xefí suku na’in 7 mak halo preparasaun, hodi realiza serimonia ritual ba lansamentu ba edifisiu foun ne’e.

“Prepasaun di’ak tebes hodi simu Ministéiru Estatal no mós Avô Plaza ho nia família tomak iha lansamentu ba edifisiu foun ne’e”, Katak nia.

Administrador ne’e haktuir, halo lansamentu tia paradu durante tinan 2 nia laran, hanesan autoridade sente triste iha momentu ne’eba, maibé buka dalan nafatin hodi koopera ho avô, foun foun problema barak husi administrador minisípiu, ministeiru rasik katak ha’u labele preokupa tan apoiu husi empreja tanba ninia kontribuisaun ne’e, bainhira nia fó kontribuisaun nia iha interese buat ruma, maibé nudar autoridade kontinua hasoru nafatin avô,  maske hetan difikuldade barak, tó ohin loron konsege realiza duni.

Nia dehan, Ministéiru Estatal aktual,  bolu ha’u iha momentu ne’eba, konstrusaun paradu nia dehan labele preokupa ona avô Plaza nian, tanba nia apoiu baut ruma nia iha interese buat ruma, ha’u hateten ba ministru katak iha doasaun ne’ebé mak asina akordu ho estadu la iha interese ba buat ruma, ha’u dehan ba avô se ita bo’ot halo baut ruma iha Maubara iha interese ruma, ha’u sei la halo akordu, tanba ha’u lakoi loron ikus hasoru problema.

Iha tinan 2021 konsege hala’o fila fali konstrusaun, tuir lolos hotu ona iha fulan Juñu, tanba situsaun covid-19 estadu emerjénsia, sira paradu duntare fulan tolu nian laran, iha fulan Dezembru tinan ida ne’e tenke konstrusaun remata ona.

Nia dehan,  Garante katak edifisiu foun ne’e kualidade tuir dezenñu ne’ebé mak iha, no sei uza ba tempu naruk.

Obra ne’e rasik mai avô Plaza mak halo kontratu, laos kompañia estrajeiru maibé kompañia timoroan mak kaer, nia traballador mak Maubara oan sira, Haktuir nia.

Nudar administrador postu administrativu Maubara lori povu tomak Maubara nia naran, husu agradese ba avô Plaza nudar Maubara oan, apoiu ona edifisiu foun ida, hanesan uma fukun ida ba Maubara oan,  tanba edifisiu ne’e mak hodi atende ba povu Maubara oan tomak, hanesan istória ida ba avô ne’ebé mak husik hela momeria di’ak ida mai povu Maubara tomak. Obra refere sei entrega iha fulan Dezembru tinan 2021. Nia hakotu.

Orsamentu ba konstusaun ba edifisiu foun ne’e $192 mil. Lop