SFP, Falisita Formasaun Lei KKL Ba PNTL
Naunil Média (Díli), Kapasitasaun ba Membru Polisia Nasional Timor-Leste (PNTL) ne’e atu kapasita nune’e bele intende Lei ho ho di’ak ho atuasaun iha terenu.
Formasaun ne’e fasilita husi formador PNTL, husi Sentru Formasaun Polisia (SFP), ne’ebe konklui ona formasaun Kursu Kapasitasaun Lei (KKL), husi Postu Inspektur, Sarjentu, to’o agente sira, iha munisipiu tolu kompostu husi, Liquica, Manufahi, no Manatutu.
Husi Munisipiu tolu ne’e kompostu husi ema nain, mak hanesan, Liquica 50, Manufahi 50, no Manatutu 50, nune’e hamutuk 150.
Komandante CFP, Superintendente Xefi Polisia, Arquimino Ramos, hateten, Halo kursu iha refere hodi kapasita membru PNTL sira, Atu bele entende ho di’ak kona-ba lei no-mos atuasaun iha terenu.
“ Ita halo ona formasaun ba membru PNTL sira hosi Munisipiu 3 ho total ema hamutuk 150, Hi objetivu atu hadia kualidade no kapasita membru PNTL, Ne’ebe iha Postu Inspetur, sarjentu, no Ajente Polisia sira ho kompentensia jestasaun operasional Polisia liu-liu lei sira ne’ebe liga ba PNTL nia servisu, No tane a’as valor Direitus humanus inklui preparasaun atu responde ba atuasaun membru PNTL,” Dehan Supertedente, Arquinmino, iha CFP, Comoro, Segunda, (6/12).
Nia haktuir, Tuir prosedura lei no regulamentu durante prosesu Eleisaun Prezidensial ho leisaun Parlamentar ne’ebe sei hala’o iha tinan oin mai.
Tanba ne’e, Liu hosi formasaun ne’e atu aumenta kapasidade ajente no pesoál sira atu bele entende ho di’ak kona-ba filozofia Polisiamentu Komunitaria (KP).
“ Hau hanoin Membru PNTL hotu iha misaun espesifiku ida, Mak atu defende legalidade demokratiku hodi asegura no garante seguransa ba sidadaun tomak tuir kondisaun né’ebé estabelese ona iha Konstituisaun RDTL.
Ho nune’e maka formasaun hirak ne’e bele aumenta kapasidade ajente no pesoál sira atu bele entende ho di’ak kona- ba misaun PNTL rasik.
Nia akresenta, Ho treinamentu ne’e ba futuru bele mos elabora treinamentu sira seluk, Nune’e bele sai mata dalan atu inkorpora iha manuál formasaun ne’ebé hahú introdúz iha tinan 2018.Ana
