CNRT Kestiona Folin Nesesidade Bazika Sa’e Maka’as
Naunil Média (Díli), Bankada Opozisaun Partidu Consellu Nasional Recontrucao Timorensa, (CNRT), Iha uma fukun Parlamentu Nasional kestiona maka’as presu nesesidade baziku iha merkadu sae makaas, hodi difikulta povu kbiit laek ne’ebe laiha rendimentu atu sosa.
Deputada, Virgina Ana Belo, hato’o kestaun ne’e ati husu politika governu hodi kontrola ba presu sira ne’e.
“ Ita preokupa tanba oras ne’e dau-daun presu nesesidade baziku sa’e maka’as tebes iha merkadu, susar tebes ba povu ki’ik ne’ebe laiha rendimentu atu sosa, politika governu nian atu halo kontrola ba presu sira ne’e to’o iha ne’ebe,” dehan Deputada CNRT,iha sala plenaria PN,tersa,(07/12).
Nune’e orientasaun ba iha baze hodi halo kontrola ba folin sasan ne’e oinsa ona, Tanba saida maka folin sasan sae, liu-liu ba nesesidade baziku ne’ebe sai hanesan hahan ba konsumu loro-loron nian.
Lolos ne’e, Governu tenke halo kontrola didi’ak iha baze, Atu nune’e kompania importador sira labele hasae folin,
Husu ba governu atu halo kontrolu tanba agora tama ona Natal no Tinan foun, tenke normaliza folin sasan.Ana
