LABEH-UNPAZ Komemora Loron Mundial Anti Korupsaun
Naunil Media (Dili), Lalenom ba Ema Hotu (Labeh) ho Universidade da Paz (UNPAZ), Komemora loron mundial Anti Korrupasaun ho Tem ” O Nia Diretu O Nia Partisipasaun, Dehan La’e ba Korrupsaun.”
Diretor Ezekutivu Labeh Crhistopher Henry Samson hatete, Tema ida ne’e maka uza iha mundu tomak, ne’ebe ohin halo selebrasaun loron Mundial anti korupsaun.
” Iha ne’e LABEH hamutuk ho UNPAZ uza topik ida ne’e hodi fo hanoin ba estudante sira, povu tomak liu husi media sira katak, monitorizasaun Labeh nian ba Munisipiu 12inklui Rejiaun Administrativa Espesial Oecuse Ambeno (RAEOA), hatudu katak dezenvolvimentu la’o ladun lo’os”. Dehan Diretur ezekutivu Labeh ba jornalista sira, hafoin realiza komemora loron mundial Anti Korupsaun iha salaun UNPAZ, Kinta, (09/12)
Nia haktuir, Iha era saude iha programa barak, fatin barak ne’ebe la iha fatin atu tau aimoruk, iha fatin balu ne’ebe doutor no infermeiru sira ladun ativu halo sira nia serbisu ho di’ak, iha mos eskola fatin ne’ebe mak estudante balu sei tur iha rai, ne’ebe la iha posibilidade atu estuda ho diak.
Enkuantu bainhira sira maka futuru nasaun, oinsa mak sira bele sai futuru ne’ebe di’ak bainhira sira nia dezenvolvimentu komesa husi ki’ik ladun di’ak, bainhira ita hare’e kona-ba are’a be’e mos iha munisipiu 12 ho RAEOA sai problema ida ba sira, Hateten Director Ezkutivu ne’e.
H nune’e Labeh hamutuk ho UNPAZ, husu nafatin ba estadu atu tau matan halo tuir dever ne’ebe hakerek ona iha konstituisaun dehan, la’e ba korupsaun
” Orsamentu di’ak estadu nian ne’ebe mak agora dau-dauk diskuti hela ne’e bele to’o povu nia le’et, no bele uza halo dezenvolvimentu ba be’e mo’os, Estrada, Saude, Edukasaun, infraestrutura, Eletrisidade problema sosial sira seluk,” Hateten nia.
Tanba ne’e mak loron mundial Anti Korupsaun sai hanesan loron ida ne’ebe importante ba ukun nain sira, sosiedade sivil, akademista sira no ba ema hotu katak, Atu hambri’ik dehan la’e ba Korupsaun. LTS
