Domin Ba Rai Doben TL Labele Sukat, Juventude Railaco Apoia “Lere” Kandidata PR
Naunil Media (Ermera), Domin no interese ba rai doben Timor-Leste (TL), Aktual Tenente Jeneral Maior das Falintil-Forsa Defeza de Timor-Leste (F-FDTL), Tenente Jeneral Lere Anan Timur, Labele sura no sukat ne’ebe hatudu ona durante tinan Rua Nolu Resin Ha’at (24), Halo ona ba rai ida ne’e.
Hahu kedas iha tempu luta ba libertasaun da patria, Nune’e mos iha era ukun rasik a’an ida ne’e, kontinua nafatin servisu la sura kolen no tane a’as interese Estadu TL.
Porta Voz Membru Organizasaun Rezistensia OPJELATIL no OJP, Baselar Martins Coreia, ho kodigu “Grasabeira” Hateten, Tanba durante luta libertasaun da patria, Membru Organizasaun Rezistensia (MOR), OPJELATIL ho OJT, Servisu hamutuk ona ho Tenente Jeneral Lere Anan Timur, hatene nia domin ba rai ida ne’e uluk to’o agora.
“Ami membru organizasaun rezistensia hanesan OPJELATIL, OJT no Juventude Postu Administrativu Railaco, hakarak deklara ami nia suporta ba Tenente Jeneral, Lere Anan Timur, Kandidatu ba prezidente Republika iha Eleisaun 2022”. Dehan Porta Voz, “Grasabeira” ba jornalista sira iha komunikadu imprensa, Iha Railako, Ermera, Sabadu (11/12)
Nia haktuir, Hahu kedas iha tempu luta ba libertasaun Patria, ami servisu hamutuk ona ho tenente jeneral Lere Anan Timur, Nune’e povu tomak hatene nia domin ba rai ida ne’e, no iha tempu ukun a’an ida ne’e kontinua servisu la sura kolen.
Kontinua Tane a’as nafatin interese rai no estadu ne’e nian, liu husi ninia kna’ar nu’udar komandante ba Forsa Armadas.
Hare husi dedikasaun ba Rai ida ne’e, esperensia hodi mantein paz no estabilidade, no halo tuir deit konstituisaun.
Nune’e sira hateten, Tempu to’o ona atu Tenente Jeneral Lere sai prezidente Republika ba periodu 2022-2027″.
” Tamba ami mos hatene katak Tenente jeneral Lere mak sai figura ida ne’ebe bele mantein unidade no estabilidade hodi nune’e povu belen sente dezenvolvimentu,” Dehan nia.
Apela ba publiku hotu mai hamutuk atu suporta Tenente Jeneral Lere sai prezidente Republika hodi kontinua servisu ho entidades hotu ba libertasaun povu nian.
“Ami fiar a’an katak ho suporta no konfiansa ne’e, fo susesu ba kandidatura Aman Lere Anan Timur nian, grupu ida ne’e servisu hamutuk ho entidades tomak iha postu ida ne’e atu bele fo susesu ba prosesu kandidatura ida ne’e hodi bele ba to’o hetan fatin iha kadunan prezidente Republika nian iha Aitarak laran”. Nia hakotu. LTS
