Preparasaun CNE Hasoru ELPRE

Naunil Média (Dili), Orgaun independente Comissão Nacional Eleições (CNE), Hato’o preparasaun Eleisaun Prezidensiál (ELPRE), Periodu 2022-2027 nian ne’ebé sei hala’o iha tinan oin ba Prezidente Republika (PR), Francisco Guterres “Lu-Ulo.

Prezidente CNE Jose Agustinho da Costa Belo, hateten, Konvite husi PR hodi hare’e siklus Eleitoral ba tempu preparativu saida mak CNE halo desfe iha loron 1 fulan Jullu. Bainhira Sekretariadu Tekniku Administrasaun Eleitoral (STAE) hato’o kalendariu no komesa kedas supervizaun ba resenseamentu Eleitoral iha rai laran inklui mós rai li’ur.

” CNE halo servisu ezersisiu uituan hamutuk ho autoridade sira iha Munisípiu hanesan seguransa no Prezidente Autoridade no komunidade tomak oinsá atu bele halo avaliasaun interna kona-ba eleisaun sira ne’ebé liu tiha ona no espetativa ba oin, Saida mak sira bele halo ligadu ho eleisaun ne’ebé kualidade.” Dehan Prezidente CNE José Agostinho bainhira remata hasoru malu ho PR, Francisco Guterres, Iha Palásiu Prezidensiál Nicolau Lobato Bairru Pite, Segundu, (13/12).

Prezedente CNE hateten, Situasaun Covid bele muda tanba ne’e CNE no STAE servisu hamutuk hodi esklarese edukasaun sivika ba eleitores sira.

” Ita hotu hatene katak ita tama hela pandemia Covid-19, Nune’e situasaun sira bele muda tanba ne’e mak CNE servisu hamutuk ho STAE hodi esklarese Edukasaun sivika bazeia ba le resenseamentu obrigatoriu maibé eleisaun ne’e lá’os obrigatoriu,” Tenik Prezidente CNE

José Haktuir, Edukasaun sivika dadaun ne’e kada komisariu responsavel ba Munisípiu ida-idak nian hare’e ba asuntus ne’ebé importante, Tanba la’ós halo hotu kedas iha aldeia tomak tanba hare’e mós ba kestaun tempu no orsamentu maibé prioridade liu ba estudante sira ne’ebé agora dadaun atinze hela tinan 16  no 17 aba leten.

Tanba ne’e esforsu ne’ebé CNE iha halo aprosimasaun oinsá autoridade, Sidadaun hotu bele partisipa no fó solusaun ba Eleisaun ne’ebé atu mai bele la’o di’ak Justu ho dignu atu nune’e bele konstroi rai ne’e. 

Liu-liu mós ba fatin sira ne’ebé  rezistu hanesan iha konflitu ruma iha 2017 no 2018, Oinsá atu esklarese di’ak liu tan nune’e sira bele partisipa ho di’ak no eleisaun mai ne’e  hotu-hotu tenke envolve.

Tanba PR mós Preokupa hela katak liuliu sira ne’ebé sai hanesan abstensaun ka sira latuir eleisaun númeru ida bo’ot, Nune’e mak orgaun rua hamutuk ho Governu. Oinsá servisu hamutuk atu bele partisipa ho di’ak no uza sira nia direitu ho maximu. *Jos