Espoza PR Husu Feto Sira Labele Moe Subar Isin Rua
Naunil Media (Bobonaro), Espoza Prezidente Repúblika Cidalia Mauzinho Nobre Lopez Guterres, Hateten feto sira labele moe atu ko’alia sai bainhira buat ruma Bubu iha isin nune’e buka dalan lori ba Hospital
“Ohin ha’u hato’o katak di’ak liu prevene duké ita kura no mós ba inan feton sira labele moe wainhira buat ruma iha ita nia isin lolon liuliu iha ita nia susun labele moe atu ko’alia sai sira ne’ebé kaben nain ható ba sira nia parseiru no sira ne’ebé sei klosan hato’o ba sira nia inan aman atu nune’e ita buka dalan lori sira Hospital ho dalan seguru”, dehan espoza PR ba Jornalista bainhira remata halo sosializasaun ba moras kankru susun, iha administrasaun Munisípiu Bobonaro, Tersa, (14/12).
Espoza hatutan aktividade prezidente Repúblika nian entaun Espoza aktividade nian mós hola parte hotu iha ne’e hanesan mós ba iha Munisípiu sira seluk ida mak halo duni sosializasaun ba kankru susun no mós ida tan ba halo vizita uma mahon sira no uma mahon sira ne’ebé halibur maluk feto sira
Nia dehan tuir dadus ne’ebé iha katak bubu hotu-hotu iha susun lasignifika kankru ne’ebé di’ak liu ba Hospital iha mak médiku sira halo konsulta no hasai sampel hodi haree sira nia situasaun susun ninian.
Iha fatin hanesan primeiru Vice prezidente ba asosiasaun feto potensial Munisípiu Bobonaro Engrase Soares agradese tanba bainhira Assosiasaun ne’e iha planu atu ba baze hodi hato’o ba feto sira iha area rural.
“Agradese tebes ba ita nia asosiasaun ne’e tanba wainhira ita iha planu atu ba baze hato’o ba nia maluk feto sira iha area rural ne’ebé mak ladún asesu mai iha Hospital atu sira bele komprende no kuida sira nia aan ho nune’e ninia saúde di’ak iha nia moris tomak”, Tenik Nia. *Jos
