PR “Lú-Olo” Dialogu Aberta Ho Povo Bobonaro
Naunil Media (Bobonaro), Prezidente Republika (PR) Francisco Guterrres Lú-Olo, hahú halo dialogu aberta ho povo iha munisípiu Bobonaro.
Objetivu dialogu Prezidente Repúblika iha munisípiu Bobonaro ne’e hodi esplika kona-ba situasaun polítika rai-laran no rona preokupasaun husi autoridade lokal, organizasaun sosiedade sivíl, veteranus, konfisoins relijioza, foin-sae no estudantes kona-ba prosesu dezenvolvimentu iha nível nasional no lokal.
Iha biban ne’e Prezidente Autoridade Munisípiu Bobonaro Ernesto de Oliveira Barreto, mós agradese ba PR ho ekipa neebe mak bele hakat ona mai iha Munisípiu Bobonaro hodi halo dialogu ho povo.
Prezidente Autoridade Munisípiu Bobonaro hatutan Autoridade Munisipal Bobonaro kompostu husi Postos Administrativos 6, Sukus 50 no Aldeias 194. Ho total populasaun hamutuk 92,049 tuir Sensus 2010. Total polusaun 97,762
“Autoridade Munisipal Bobonaro hetan despezas husi Orsamentu Jerál Estadu 2021 hamutuk tokon/miliaun $5.332, Orsamentu hirak ne’e aloka tuir linhas servisu sektoral sira iha Autoridade Munisípiu Bobonaro hosi orsamentu hirak ne’e aloka ba programa prioridade sira hanesan Merenda eskolar, Alfabetizasaun, Konsensoens eskolar Subsidiu sukus, Jestaun merkadoria, Aktividades agrikultura, Limpeza rurais & urbano, Subsidiu ba Posto Administrativo Despezas operasional, Plano Dezenvolvimentu Integradu Munisipal” katak nia
Tuir Observasaun bainhira Prezidente Repúblika tó iha salaun Jinazio simu ho kultura baku babadok no tara tais husi Prezidente Autoridade Munisípiu Bobonaro ho espoza, iha dialogu ne’e partisipa mos husi membru Oitavu Governu, tema ba dialogu ne’e mak “ho dialogu sei hetan solusaun ba problema ne’ebé de’it”.
Dialogu aberta ne’e hala’o iha Ginaziu Maliana iha loron (15/12) Prezidente Repúblika ne’e mós partisipa masimu husi Autoridade lokal husi Munisípiu Bobonaro, komunidade no mós estudante sira.*Jos
