PR “Lú-Olo” Funu Invazaun Hahú Husi Balibó
Naunil Media (Bobonaro), Prezidente Repúblika (PR) Francisco Guterres “Lú-Olo”, Hateten funu invazaun hahu husi fronteira Balibó hodi oho jornalista internasional na’in lima ne’ebé mak atu kobertura kona-bá situasaun Timor-Leste iha tinan 1975.
“Iha Balibó Five hanesan ha’u hateten funu hahu husi invazaun Indonézia hahú fronteira ne’ebá hodi oho jornalista nain lima jornalista internasional sira ne’ebé mai para atu halo kobertura ba situasaun iha ita nia rain, iha altura ne’ebá iha tinan 1975”, Dehan Xefí estadu ba jornalista sira hafoin remata Homenazen ba eróis sira iha Ossuariu Maliana, tersa (14/12).
Xefí estadu hatutan, Indonézia hakat liu fronteira hodi tama dadauk Timor-Leste no deklara ba mundu katak sira mai viola autodeterminasaun povu iha rai ida ne’e.
“Indonézia hakat liu ita nia fronteira rai ketak ho Indonézia hodi tama dadauk iha ita nia Rai nune’e hahú Indonézia anunsia katak Indonézia fohatene ba mundu tomak katak nia viola ita nia direitu ba autodeterminasaun Independensia viola ita nia integridade teritorial ita nia rai nian”, Tenik PR.
PR hateten iha tempu ne’ebá povu hahú sakrifika durante tinan 24 nia laran no hahú husi ne’e duni mak povu Timor-Leste brandi defende nia rikusoin
“Tempu hahú sakrifisiu bo’ot ida nia fó sakrifisiu ba ita nia povu durante tinan 24 pur otru ladu ita mós hateten katak nia hahú husi ne’e duni mak povu Timor-Leste hatudu nia brandi nia determinasaun para atu bele defende nia rikusoin atu defende nia uma ho fatuk nia bee ho nia rai, no nia prontu atu mate, mate ba nia rai ida atu hetan liberdade ne’ebé ohin loron ita oan ho beioan sira hetan”, Hateten PR. *Jos
