Xanana-Horta Simu AhukDesan Max Sthal, Governu Agradese Família
Naunil Media (Dili), Ohin kuarta loron (15/12), Lider Karismatiku, Jose Alexandre Kay Rala Xanana Gusmao ho Premiadu Novel da Paz, Jose Manuel Ramos Horta, Iha Aero portu Internasional Nicolau Lobato, Simu Ahu-kdesan hosi Matebian Max Stahl, Husi familia.
Ahukdesan Max Sthal to’o iha Aeroportu Internasionál Prezidente Nicolau Lobato ho Aviaun Qantas hosi Austrália iha tuku 11 ho balun otl, no simu direta hosi Líder nasionál Kay Rala Xanana Gusmão ho José Manuel Ramos Horta.
Hafoin simu Sinza ne’e hosi família Max Stahl, líder nasionál na’in-rua entrega direta ba Governu ne’ebé reprezenta hosi Ministru Prezidénsia Konsellu Ministru (MPKM), Fidelis Leite Magalhães.
Iha Ahukdesan Max Sthal simu ho lia-dadolin hosi lia-na’in sira, iha mós dansa kultura Timor nian, Nune’e mos akompaña ho parada militár hosi FALINTIL Forsa Defeza Timor Leste (F-FDTL).
“Hodi Governu nia naran hato’o bem vindo ba Max Stahl ho nia família. Lori mós Governu nia naran hato’o obrigadu ba maun boot na’in-rua hanesan Kay Rala Xanana Gusmão ho José Manuel Ramos Horta ne’ebé simu ona sinza Max Stahl nian,” Fidelis Leite Magalhães, hateten iha serimónia entrega iha Aeroportu Comoro.
Fidelis haktuir, Ema hotu ne’ebé mak iha ne’e, espresa apresiasaun boot ba Max nia serbisu ne’ebé nia halo ba Timor-Leste (TL), iha luta ba ukun rasik an.
“Ita hotu sei la’o tuir prosesu ne’ebé iha, ita sei akompaña to’o haloot iha fatin ikus nian iha Semitériu Santa Krúz Dili,” Dehan Fidelis.
Remata serimónia simu Ahukdesan Max Sthal, Tula ho Prado kor mutin ho numeru matrikula 04-921G.
Ahukdesan Max Sthal, akompanha husi, Joven, Jornalista, inklui mate restu 12 Novembru, hodi halo konvoi tuir ajenda ne’ebé prepara hosi komisaun krganizadora ba iha to’o Centro Audiovizual Max Stahl. Latu
