Komunidade Saburai Moe Haree Nasaun Vizinu Nia Eletrisidade Lakan

Naunil Média (Bobonaro), Xefí suku Saburai Vicente do Santos hateten nu’udar komunidade ne’ebé mak hela iha fronteira senti moe bainhira haree nasaun vizinu nia eletrisidade lakan iha tempu kalan.

Autoridade Lokál husi Suku Saburai hato’o lia hirak ne’e bainhira dialogu aberta ho Prezidente Repúblika Francisco Guterres “Lú-Olo” no membru governu sira iha Ginaziu Monicipal Maliana, Kuarta, (15/12).

“Iha ne’e Preokupasaun ne’ebé mak ha’u atu ható ba Prezidente Repúblika ne’ebé mak eletrisidade ne’ebé públika tiha iha jornál da Repúblika lahatene ninia paradeiru ne’e tó iha ne’ebé Informasaun laiha de’it ami ne’ebé mak hela iha fronteira haree ba mota sorin ema nia ahi lakan ami haree nasaun vizinu ne’e moe fali”, dehan xefí suku Saburai

Iha fatin hanesan Vice Ministru Obras Públika Nikolau Lino Freitas hateten tinan oin guvernu sei halo no finaliza tanba orsamentu prevé hotu ona

“Ha’u hanoin katak tinan oin governu sei halo no finaliza tanba orsamentu prevé hotu ona tinan oin sei tama iha faze konstrusaun ou faze implementasaun”, katak Vice MOP

Membru guvernu ne’e hatutan Ho orsamentu ne’ebé mak limitadu tanba la’ós Bobonaro de’it mak asesu ba osan maibé Munisípiu hotu-hotu, ne’ebé guvernu sei haree ba prioridade Munisípiu ida-idak no ida ne’ebé mak kurtu prazu guvernu presiza atu tau osan ida ne’ebé mak ba iha médiu no longu guvernu haree katak tuir mai sei kompleta di’ak liu tan.

Nian ba iha liña eletrisidade membru guvernu ne’e fo hanoin katak iha Timor laran tomak 90% komunidade asesu hotu ona ba liña eletrisidade hela 10% inklui postu neen (6) ne’ebé iha Munisípiu Bobonaro.*Jos