PM Taur Presta Omenajen Ba Saudosu Jornalista Max Stahl
Naunil Media (Díli), Primeiru-Ministru Taur Matan Ruak presta omenajen ba saudosu jornalista Max Stahl nia Ahu Kdesan iha Sentru Áudiovisual Max Stahl nian, Kolmera-Benfika.
“Nasaun tomak, povu tomak, Estadu Timor fó omenajen ida ne’e tanba nia papél ne’ebé nia dezempeña durante ita-nia luta, espesialmente ba iha kazu 12 de Novembru joven sira nia luta,” Dehan PM Taur Matan Ruak ba jornalista sira iha iha Sentru Áudiovisual Max Stahl, kuarta (15/12).
Eis Xefe Estadu-Maiór FALINTIL ne’e afirma, papél Saudozu Max no media sira importante iha luta ba libertasaun nasionál, hodi fanun mundu tomak no sensibiliza mundu kona-ba sofrimentu timoroan sira nian, espesiál iha Masakre Santa Cruz 12 Novembru 1991.
“Se média la iha, ema ignora ita, ema la koñese ita, ema la hatene ita i papél média nian no papél Max Stahl nian fundamental loos fanun ema hotu, fanun mundu tomak, sensibiliza sira hotu katak buat ne’ebé sira hatene la hanesan la’o iha rai laran”, Nia konta tuir.
Nia deha, Ba nia dedikasaun refere, Estadu Timor-Leste konsidera Max Stahl hanesan erói nasionál ida, hodi atribui Grau Colar Ordem de Timor-Leste ho titulo póstumo, nu’udar jestu agradesimentu Estadu ba Saudozu nia kontribuisaun iha luta ba libertasaun nasionál.
Saudozu Max Stahl nu’udar ema Britániku, moris iha loron 06 fulan-dezembru tinan 1954, no husik mundu iha loron 28 fulan-outubru tinan 2021 iha Ospitál Brisbane, Austrália, tanba sofre moras. Ana
