Povu Bobonaro Sei Demo, Bainhira Restus Mortais Seidauk Hakoi
Naunil Media (Bobonaro) Povo Husi Munisípiu Bobonaro Husu Governu liu-liu Ministeriu relevante atu tama iha tinan 2022 ne’e Hakoi mate ruin ne’ebé sei rai iha Ossuariu Maliana selae povu sei halo demo hasoru estadu.
“Dala ida tan maluk sira ne’e hakoi ona 2022 se lae ami halo demo ministeriu hotu taka tenke hakoi mate ruin sira ne’e, sira nee sala saida maun boot”, Dehan Veteranu Apolinario Barros husi suku Lahomea postu administrativu Bobonaro bainhira hala’o dialogu ho Prezidente Repúblika Francisco Guterres Lú-Olo iha Ginaziu Monicipal Maliana, Kuarta, (15/12).
Veteranu ne’e mós husu ba Ministru Kombatentes Libertasaun Nasionál iha tinan 2022 planu no programa hodi hakoi tiha restus mortais sira ne’ebé mak rai iha ossoariu sira no agora moris ho mate hadau malu ne’e oinsá
Apolinario mós husu ba Prezidente Repúblika katak ida ne’ebé mak ukun rai ne’e troka malu mesak mai husi Ai-laran deit maibé bainhira mak iha planu atu hakoi Mate Ruin ou restus mortais sira ne’e, tanba lori sira mak Timor-Leste hetan indepedensia se la ho sira mós Timor la hetan indepedensia.
Nia dehan Ministeriu Assuntu Kombatetes Libertasaun Nasional atu halot Mate Ruin ou restu Mortais ne’ebé mak rai iha Osoariu , se lahalot iha tinan 2022 povo sei halo demo hasoru governu.
Responde ba Kestaun ne’e Ministru Assuntus Kombatetes Libertasaun Nasionál Julio Sarmento “MetaMalik” hatete restu mortais iha Maliana Bobonaro foin kee iha tinan 2015 no 2016 bainhira hetan ona remodelasaun maibé la konta ho restus mortais ne’ebé mak L7 kee iha Laga iha tinan 2008 no 2009.
“Restu mortais iha Timor laran Tomak 14 mill no rihun 14 iha tinan 2002, 2012 ha’u ba sai sekretariu estadu konsege kee iha Kelikai, Ainaro, Ermera, Uatulari, teki-teki ha’u hetan remodelasaun 2014 no 2015, imi atu halo demo ba Ministru no, tanba laos Ministru ida iha 2012 mak ministru ne’e latau atensaun maibé situasaun Krize politika ne’ebé akontese iha remodelasaun mak sai hela fakto too ohin 2021 ita tama ona ba 2022” dehan Ministru.
Membru guvernu ne’e hatutan orsamentu jeral estadu iha loron hirak ba kotuk Ministru ho sekretariu Estadu esforsu masimu hodi muda sai projetu atu halo jardim nune’e hakoi restus mortais ne’ebé sai husi kapital dezenvolvimentu mais transferensia atu bele hafasil buat ne’ebé sira halo.
“Tanba ne’e maluk sira ita hotu preokupa tanba saida mak hakoi tiha iha rai ba kee fila-fali, ita atu dignifika, atu tau iha jardim dos herois maibé ho situasaun politika ne’ebé lao durante 2014 2015 sai prejuizu ba buat hotu”, katak membru guvernu
Meta Malik mós husu ba Prezidente konsellu Veteranus Maliana atu fo atensaun ba veteranus sira nune’e labele sai impedementu ba dezenvolvimentu, maibé tenke kontribui ba dezenvolvimentu nasionail, tanba Veteranus sira hanesan mós funsionariu hetan osan fulan-fulan tanba ne’e presiza kontribui.
Nune’e mós restus mortais ne’ebé dadaun ne’e sei rai iha Ossuariu Maliana hamutuk 578.*Jos
