FEATUREDIkus LiuNewsPolitika

PR “Lú-Olo” Liquiçá Oan Barak Husik Vida Liberta TL

Fahe Tutan

Liberta TL

Naunil Media (Liquiçá), Prezidente Repúblika (PR) Francisco Guterres Lú-Olo hateten, Liquiça oan mós barak mak husik vida hodi liberta pátria no povu Timor-Leste.

Xefí estadu ható lia hirak ne’e ba jornalista hafoin presta omenajen ba Heróis sira iha Ossuariu Liquiçá, kinta (16/12).

“Dala ida tan hakarak hateten katak Liquiçá oan sira mós barak mak husik hela sira nia vida para atu liberta ita nia rai ida ne’e tanba ne’e mak prezidente Repúblika hakat liu mai iha Liquica no espesialmente iha Ossuariu ida ne’e para hodi fo omenajen ba sira hotu, katak buat ne’ebé mak sira halo mak iha valor aas liu bo’ot liu ba ita sira ne’ebé mak sei moris”, Dehan xefí estadu.

Iha fatin hanesan Veterana Madalena Bidau Soares “Kasian” senti kontenti tanba Prezidente Repúblika bele vizita Ossuariu Liquiça hodi vizita matebian sira no mós bele haree direta kondisaun Jardim refere.

“Hanesan ema Liquiçá oan no mós nu’udar veteranus sente kontenti,  tanba nai ulun ida tama iha Ossuariu laran atu vizita matebian sira iha Jardim laran ne’e duni ami Liquiçá senti kontenti tebes,  Prezidente Repúblika tama ona atu haree kondisaun iha Jardim laran”, Dehan Veterana “Kasian”

Veterana ne’e hatutan,  Ho orsamentu ne’ebé limitadu nune’e lahamoos tanba duut mak dadaun ne’e nakonu, sira lakohi haruka ema arbiru atu hamoos tanba ema hotu servisu atu buka osan no dadaun seguransa nain rua mak hein hela Ossuariu refere.

“Orsamentu limitadu ne’ebé ami mós atu ajuda maluk sira para hodi hamoos ne’ebé maluk sira tama mai haree duut mak nakonu temi hela Jardim Dos Herois maibé la kaber duut mak boot ami naran haruka arbiru de’it mós ikus ne’e balun servicu buka osan ba sira nia moris no balun ne’ebé mak ami haruka seguransa iha ne’e mós ema rua de’it labrani atu halo limpeza iha ita nia Jardim laran moos atu sai di’ak laiha”, katak Veterana “Kasian”.

Nune’e mós Ruin ne’ebé dadaun ne’e rai iha Ossuariu Liquiça laran balun ne’ebé iha naran ne’e hamutuk 33 no ida naran laiha familia foti de’it no lakoñese iha 11 totál sira ne’ebé koñese no lakoñese hamutuk 44 no RuiN sira ne’ebé Hakoi ona totál 278, ruin sira ne’e inklui hotu Postu administrativu tolu ne’ebé iha Munisípiu Liquiçá rasik. *Jos

Leave a Reply

Your email address will not be published. Required fields are marked *