PR “Lú-Olo” Sei Uza Nia Kompetensia Deside OJE 2022

Naunil Media (Liquiça), Prezidente Repúblika (PR) Francisco Guterres “Lú-Olo”,  hateten sei uza kompetensia rasik hodi deside orsamentu jerál estadu (OJE) 2022.

Xefí Estadu hato’o lia hirak ne’e ba jornalista bainhira remata fó Homenazen ba eróis no martires sira iha Jardim Ossuariu Liquiça, kinta (16/12)

“Orsamentu Jerál Estadu ida ne’ebá ne’e orsamentu Parlamentu Nasionál diskuti naturalmente sira diskuti halo di’ak diskuti halo tasak ba depois mak sira aprova no haruka ba iha prezidente Repúblika no sei uza nia kompetensia rasik para atu deside kona-ba orsamentu ne’e”, Dehan xefí estadu

Iha fatin hanesan Veterana Madalena Bidau Soares “Kasian” hateten bainhira debate OJE no hatun ba iha area rural tenke hanoin didiak no regula osan tuir matadan ne’ebé di’ak.

“Orsamentu Jerál Estadu bainhira debate remata atu hatun mai iha area tenke hanoin didiak no buka matadalan ida ne’ebé mak bele regula osan di’ak se kuandu narnaran de’it mak osan mai hanesan rai henek servicu sei lalao”, dehan Veterana “Kasian”

Kasian hateten, Nasaun ida ukun rasik aan presiza orsamentu maibé orsamentu mak komu lametin entaun orsamentu ne’e nia folin sei laiha.

“Saida mak ita halo desizaun ba nasaun iha ukun rasik aan ida ne’e presiza duni orsamentu mas orsamentu mak ita komu lametin mak orsamentu ne’e nia folin sei laiha dala barak ona orsamentu tun mai baze mas nia servisu ne’ebé hato’o ba Nai ulun sira ne’e laiha”, Tenik Veterana “Kasian”.

Ukun nain sira bainhira haruka osan tun ba iha baze mós tenke matan moris, tanba iha rural mós tenke matan moris iha vizilansia ba malu atu bele asegura lesuk osan no nu’udar veterana mós hakarak tau matan lesuk riku soin tanba osan mai husi mina rai, Nia sujere.

Nia dehan,  Atu asegura orsamentu jerál estadu hodi bele halo dezenvolvimentu ba Nasaun Timor-Leste tenke la’o di’ak,  se orsamentu hanesan rai henek raut de’it karik ne’e laiha problema.*Jos