UPF Prende Sasan Ilegal Iha Fronteira
Naunil Media (Díli), Unidade Patrullamentu Fronteira (UPF),Superintendente Euclides Belo Kompañia Alfa, Postu Alto Lebos, halo patrulla rutina iha area Suku Lebos, konsege identifika atividade komersiu ilegal iha área fronteira Indonezia no Timor-Leste.
Komandante UPF, Superintendente Euclides Belo, deklara sasan ilegal ne’e hetan liuhusi operasaun rutina iha fronteira terrestre Timor-Leste ho Indonésia, kinta (16 /12).
“Los duni horseik Komandante Postu UPF Postu Alto Lebos, Primeiru Sarjentu Adelino Maumali, hamutuk membrus na’in 3, hala’o patrullamentu lao ain ba área Mapelai Suku Lebos, konsege identifika atividade transaksaun ilegal no prende sasan ilegal sira hanesan, sigaru marka Surya 12 hamutuk pakote 373, tabaku sek marka pohon sagu kaixa 10, tabaku sek marka Matahari kaixa 1, petasan 8 shoot (foguetes) hamutuk pakote 10, no 5 5 shoot pakote 20”, dehan Komandante Euclides Belo, iha nia kuartel UPF, Nu Badak Batugade.
Euclides hateten, Membru hetan apoiu hosi F-FDTL hodi lalin objetu sira ne’e ba Postu UPF ho distansia ne’ebe dok no oras ne’e entrega ona sasan sira ne’e ba Komandu PNTL Munisípiu Bobonaro hodi halo prosesu kontinuasaun no kontinua intensifika área kobertura hodi identifika transaksaun ilegal tama iha teritoriu nasional. Pau
