FEATUREDIkus LiuNewsPolitika

PR “Lú Olo” Hahú Rona Preokupasaun Povu Liquiçá

Fahe Tutan

Naunil Media (Liquiçá), Prezidente Republika (PR) Francisco Guterrres “Lú Olo”, hahú rona preokupasaun povu Liquiçá no esplika prosesu dezenvolvimentu Nasionál no lokál ba komunidade.

 Iha dialogu aberta ho komunidade iha Munisípiu Liquiçá hodi rona povo ne’e xefí estadu mós agradese ba povu no Representante sira nune’e bele dada lia.

“Prezedente Repúblika haksolok bo’ot tebes ohin bele mai hamutuk ho ita bo’ot sira Munisípiu Liquiçá no ha’u agradese liu tan ba ita bo’ot sira povu Liquiçá tomak tanba bele akompaña la’o tó iha ne’e, ho nia Representante ne’ebé iha ne’e  hodi ita bele  dada lia”, Dehan PR “Lú Olo” liu husi diskursu bainhira hahú dialogu iha salaun Tokondede, Liquiçá, sexta, (17/12).

PR hatutan, Lia hun ne’ebé mak ohin mai hamutuk kasu iha ne’e mak ho dialogu ou liu husi dialogu, mak bele hetan solusaun ba problema saida de’it,  no laiha dialogu mak sei lahetan solusaun ba problema saida de’it.

Tanba ne’e dialogu mak foin bele espresa sai ko’alia sai saida mak ihs hanoin saida mak hakarak atu ida seluk ne’e bele rona no nia bele konkorda no nia bele lakonkorda ho saida mak hanoin no saida mak hakarak, Dehan nia.

Iha fatin hanesan Administrador Munisipiu Liquiçá Pedro Paul Gomes mós lori povu Liquiçá naran nia  agradese ba Prezidente Repúblika ne’ebé mak realiza ona dialogu aberta ho komunidade no povo Liquiça.

“Ha’u lori povo munisípiu Liquiçá nia naran hatoo bem vindu no kongratula ba Prezidente Repúblika,  ho komitiva ne’ebé ho dispoblidade hodi mai vizita no halibur ho ami iha Liquiçá,  ami sente orgullu no kontente tebes ba ita bo’ot nia vizita ida ne’e”, dehan Administrador Munisipiu Liquiça.

Administrador ne’e mós hatutan,  Agradese tanba halibur ona Povo hodi halo dialogu,  no rona direita povo sira nia aspirasaun no preokupasaun hotu.

Nune’e mós Veterana Madalena Bidau Soares “Kasian” hateten nu’udar Liquiçá oan,  Sente kontente tanba PR realiza dialogu ho sira tanba ne’e prontu halo dialogu ho xefí estadu.

“Prezidente Repúblika halo dialogu ami prontu tanba,  Prezidente mai ne’e atu rona ita hotu nia hanoin, ita hotu nia aspirasaun saida mak diak iha Liquiçá saida maka ladiak  husi dialogu mak ita bele hasai ita nia hanoin ne’ebe iha aprezenta ba Nai ulun sira para atu bele hatene katak saida mak povu  presiza”,  Hatete Veterana.

Veterana ne’e husu mós povo iha Liquiçá tenke ható saida mak povu sira hasoru,  nune’e ukun nain sira hatene no hodi buka solusaun ba problema ne’ebé mak iha. *Jos

Leave a Reply

Your email address will not be published. Required fields are marked *