Horácio Eleitu Prezidente UPJTL, Ho Estrutura Lidera Tinan Ha’at

Naunil Media (Dili), Prezidente eleitu União da Profissão Jornalista de Timor-Leste (UPJTL), hafoin kongresu loron rua, liu hosi votasaun sekreta hosi komgresista husi Jornalista ne’ebe hamaha’an iha UPJTL.

Iha kongresu votasaun ne’e kongresista sira propoin pakote rua ne’ebe kompostu hosi Horácio Babo  Pakote A no Lucas da Costa Monteiro Pakote B.

Prosesu votasaun kongresista sira deside hili Jornalista Sénior Horácio Babo Eleitu ba Prezidente UPJTL,  Hodi lidera organizasaun ne’e ba períodu tinan ha’at husi 2021 to’o 2025.

Rezultadu votasaun hatudu, Horácio Babo Eleito Ba Prezidente UPJTL ho Votu Afavor 57, nune’e pakote B hetan Votu Afavor 9 no votu Inválido 1.

Estrutura dahuluk UPJTL, Kompostu Husi Horácio Babo Nudar Prezidente, José de Sá Nudar Vice-presidente I , Jeronímo Amaral Vice-presidente II, Sekretariu Geral Mariano Martins, Adjunto-Sekretariu I Liliana Galucho , Adjunto Sekretariu II Adérito Damero Ximenes “Latu” no Tezoreira Barreto

Prezidente Eleitu UPJTL, Horácio Babo hateten, durante mandatu, Sei esforsu hodi fo formasaun ba membru sira no fo advokasia ba Jornalista , nune’e bele hasa’e konesimentu iha Jornalismu nian no sei servisu hamutuk ho parte oin oin hodi kapasita membru sira.

“ Hau hanoin hanesan Assosiasaun foun iha hau nia mandatu mak ami sei trata  administrativu nune’e bele hetan legalidade , iha Buat ne’ebe sei hala’o mak oinsa buka oportunidade atu kapasita membru sira, Liu hosi formasaun servisu ho fovernu no ajensia sira no parte hotu hotu hodi eleva membru sira nia kapasidade.” Dehan Prezidete, Horácio, ba jornalista sira, hafoin eleitu ba Prezidente UPJTL. iha salaun MSSI Kaikoli Sabadu ne’e.

Iha fatin hanesan, Prezidente Konselhu Imprensa (CI), Virgílio Guterres “Lamukan,” haktuir sei fesilita ho existênsia UPJTL, no husu atu hametin jornalista sira hodi hasa’e kualidade produtu jornalistiku hodi divulga informasaun ho lolos ba Publiku.

“ Husi organizasaun UPJTL bele loke diskusaun oinsa hametin Jornalista sira nia solidariedade hodi hasa’e kualidade produtu ba povu ho informasaun ne’ebe balansu no lolos ” Tenik Prezidente  KI

Enkuanta iha sorin seluk, Ministru Asuntu Parlamentar no Komunikasaun Sosial (MAPKOMS), Francisco Jeronímo Kompromete sei servisu hamutuk Ho organizasaun jornalista hotu ne’ebe existe Timor-Leste.

“ Ita sei servisu hamutuk Ho organizasaun hotu ne’ebe existe , Hanesan Timor Leste Press union (TLPU) , Asosiasaun Jornalista Timor-Leste (AJTL) nomos UPJTL nune’e iha tinan 2022 bainhira kompleta ona Rekezitos Administrativu Hodi bele hetan mos apoiu husi Governu.” Governante ne’e Kompromete.

MAPKOMS enkoraja UPJTL atu esforsu maka’as nune’e bele rejista hodi bele hetan Legalidade Nudar Organizasaun ida nune’e iha Tempu oin Mai bele hetan mos apoio husi Parte Governu nian ne’ebe tutela iha área Komunikasaun Sosial.

UPJTL Asosiasaun foun ida ne’ebe mosu atu hadiak, halíbur Profisional Jornalista sira Ne’ebe servisu iha Mídia Imprimi Elektronika no online.

Vizaun atu Promove Jornalista banati tuir Lei Komunikasaun Sosial no prinsipiu Jornalismu ho kode etika jornalista Nian.

Misaun UPJTL Mak Atu kapasita no Fo advokasia ba jornalista Timor Oan sira no defende direitu Jornalista nian bainhira enfrenta problema ruma.

Entertantu, Dadaun ne’e UPJTL rejista ona membru hamutuk Atus ida resin, hosi instituisaun Media Nasional no Privadu ne’ebe hala’o knar iha media Elektronika, Imprime no Online. Latu