Militantes PD 88 Iha Titilari Simu Posse, Asanami Agradese Matebian “Alves”
Naunil Media (Titilari), Prezidente Partidu Demokratiku (PD), Mariano Asanami Sabino, Fo tomada de pose ba militantes simpatizantes hamutuk 88, iha Aldeia Titilari, Suku Fuiloru, Postu Administrativu Lospalos, Munisipiu Lautem.
Maske loron matan hahu mout, no nakukun komesa hafalun rai ulun to’o rai ikun, Maibe kandidaturas empozados iha Aldeia Titilari, firme hodi hein nafatin prezensa Prezidente PD Asanami.
Serimoria toma de pose ne’e, Prezidente Partidu Demokratiku, lori estrutura nasional hato’o agradese ba Matebian Alves Ribeiro.
Iha Intervensaun Politiku, Prezidente Partidu PD, Mariano Asanami hateten, Husi Titilari hahu hahoris Partidu PD iha Munisipiu Lautem, Tanba iha Momentu difisil ema seidauk hatene saida mak PD.
” Nune’e hau ho estrutura tomak husi Nasional agradese wain ba Familia Alves, Husi nia neon barutuk no nia liman badaen mak habelar PD iha Munisipiu Lautem,” Dehan Mariano Asanami, Iha nia intervensaun Politika, hafoin fo pose ba militantes sira iha Titilari, Domingo, (19/12).
Nia haktuir, Alves mos asumi kargu nu’udar Prezidente PD dahuluk iha Munisipiu Lautem, Nune’e mos fundador PD iha Aldeia Titilari, ohin jerasaun tuir mai hatutan nia obra.
Asanami akresenta, La’o loron la’o kalan tanba hakarak mudansa, mudansa ne’e sei mai bainhira hamutuk nafatin ba mudansa.
Atu renata serimonia tomoda de pose ne’e, Asanami husu deskulpa ba inan aman sira iha Titilari, tanba serimonia halo tempu kalan.
Partisipa tomada de pose ne’e, Prezidente PD Munisipiu Lautem, Armando dos Santos, Sekretariu Jeral Munisipiu Lautem Apolinario Serpa Rossa, Vise CPN Florindo Pereira, Comisario Pilitiku Joao Amaral, Esgas Caetano. Latu
