Embaixadór Austrália Peter Triste Husik TL

Naunil Mdia (Díli), Embaixadór Austrália Peter Roberts enkontru despedida ho xefí estadu tanba mandatu durante tinan haat iha Timor-Leste hotu iha fulan ne’e, sente triste tebes.

Diplomata Austrália ható lia hirak ne’e ba jornalista sira bainhira remata enkontru ho Prezidente Repúblika Francisco Guterres “Lú Olo” iha palásiu Prezidensiál Nicolau Lobato Bairru Pite, Segunda (20/12).

“Ohin enkontru despedida ho Prezidente Repúblika tanba ha’u hela iha Timor-Leste, durante tinan haat no ha’u sei fila ba Austrália fulan ida ne’e, Ha’u triste uituan tanba ha’u labele iha Timor-Leste naruk liu, maibé ha’u kontenti tebes tanba durante tinan haat ne’e iha Koperasaun di’ak entre Timor-Leste ho Austrália iha tempu inundasaun no tempu Corona Virus”, Dehan Diplomata Austrália.

Diplomata ne’e hatutan, Iha tempu difisil nasaun vizinu kolega parseria tenke servisu hamutuk, entaun iha tempu ne’e Austrália no Timor-Leste nia Kooperasaun di’ak, no mós tinan tolu liu ba Austrália no Timor-Leste konkorda fronteira entre Timor-Leste no Austrália.

Peter Roberts hateten, Relasaun entre Timor-Leste no Austrália la’o di’ak, no nia mós refleta kona-bá Koperasaun ho Prezidente Repúblika, no espera katak iha futuru bele hametin Kooperasaun iha área oi-oin

Nia mós fiar katak Koperasaun iha area defeza entare Timor-Leste no Austrália sei naruk no tanba iha tinan 2023 Austrália sei fornese Ró patroli foun rua ba Timor-Leste, Dehan nia.

“Ha’u fiar katak Koperasaun iha area defeza naruk liu Timor-Leste no Austrália, no ha’u espera katak bele hametin kooperasaun ne’e Austrália sei fornese Ró foun patroli rua ba Timor-Leste iha tinan 2023, ne’e kapasidade di’ak kualidade di’ak, entaun iha futuru ha’u espera katak Timor-Leste no Austrália bele kopera iha área hanesan, tanba iha tasi defende malu”, Tenik nia.

Diplomata ne’e esplika Austrália iha programa bo’ot iha área dezenvolvimentu iha seitór oioin, inklui mós agrikultura no mós programa dezenvolvimentu suku, no Kooperasaun ne’e sei kontinua nafatin tinan-tinan Austrália kontinua mais ou menus dólar Austráliano Milaun atus ida ba programa iha Timor-Leste, Nia haktuir.

Nia dehan, Iha oportunidade iha área seluk pradutu setor privadu no guvernu rua mós atu enkoraza seitór privadu, nune’e servicu hamutuk esporta ba Austrália no importa mai Timor-Leste, ne’e mós iha oportunidade.

Tanba konkorda akordu fronteira maritima ne’e mós iha oportunidade atu hametin kooperasaun iha área seguransa maritime, tanba Austrália no Timor-Leste iha ona fronteira maritima no presiza servisu hamutuk atu jere rekursu hanesan ikan. Nia haktuir.

Nia hateten,  Pratikamente iha seitór privadu liu programa hanesan programa traballadór Timor oan, iha Austrália no Timor-Leste, mós hakarak atrai investidor sira husi Austrália mai investe iha Timor-Leste, no mós hametin Koperasaun entre guvernu rua ne’e.

Nia mós senti triste uituan tanba hadomi Timor-Leste no nia presiza fila ba Austrália, maibé Orgullu tebes bele servisu di’ak ho Timor-Leste no agradese ba povu Timor-Leste, governu Timor-Leste tanba bele kopera di’ak no bele hamutuk responde ba situasaun difisil.

Iha enkontru ne’e Prezidente Repúblika Francisco Guterres “Lú Olo” mós kontenti tebes, tanba kooperasaun entre Timor-Leste no Austrália pratikamente di’ak iha tempu Corona Virus tanba,  servisu hamutuk iha área vasinasaun barak no sei kontinua iha área ne’e, no xefí estadu mós espera katak, iha iha futuru Austrália no Timor-Leste bele hametin Koperasaun tanba iha oportunidade barak, Nia hakotu. *Jos