Saude Comoro Rezista Moras Infesaun Respiratoriu A’as Iha Tinan 2021
Naunil Media (Dili), Hahu husi Janeiru to’o Dezembru tinan 2021, Sentru Saude Internamentu Comoro (SSC), Rezista moras infesaun respiratoriu a’as, Kompara ho moras sira seluk.
Mediku Jeral SSC, Milena do Rego informa, Hahu husi Janeiro mai to’o Dezembru nrezista Kazu ne’ebe a’as liu mak moras infesaun respiratoriu, moras kulit, no diareia.
” Total husi moras infrasaun respiratoriu, hahu hosi Janeiro mai to’o agora hamutuk 36.896 Kazu, moras kulit hamutuk 10.389 no moras diareia hamutuk 8.366,” Dehan Mediku Jeral, Milena do Rego ba www.naunil.com, iha nia kna’ar fatin Sentru Saude comoro, Segunda (20/12)
Nia haktuir, Moras Infesaun respiratiru kauza husi rai rahun no han arbiru
” SSC rezista Kazu moras ne’ebe a’as liu ne’e hanesan moras infresaun respiratoria ne’e la’os de’it kona labarik kiik, Maibe ema bo’ot no labarik ki’ik oan, tanba dalabarak labarik sira ne’e halimar ho rai rahun no han arbiru, ho buat sira ne’e mak provoka moras sira ne’e atu kona ita,” Esplika nia.
Atu Prevene moras ne’e halo movimentu tenke uza maskra.
” Ita atu halo prevensaun moras hirak ne’e bainhira la’o tenki uja maskra, no uja maskra laos ita hare de’it COVID-19 mak uja maskra, Maibe ba prevensaun moras seluk mak hanesan bainhira ita rai rahun maskra ne’e salva netik buat sira ne’e, no hemu b’ee barak, Han hahan ida ne’ebe mak kontem vitamina, ida ne’ebe mak bele fo nutrisaun di’ak ba ita nia isin lolon , Nune’e ita nia isin lolon hasoru virus ne’ebe makmai ita”. Mediku esplika
Nia hateten, tenki rega hla dt uma oin ne’ebe mak rai rahun barak, no atu han tenki fase liman halo mos. LTS
