Simu Kodelensia Husi PR, Familia Saudozu Max Husu Governu Haforsa KMSTL
Naunil Média (Dili), Familia husi saudozu Max Stahll simu Kondelensia no Mensajen husi Prezidente da Republika (PR), tanba Saudozu durante hala’o nia kna’ar iha Timor-Leste (TL), kleur ona.
Familia Max Stahl, husu atu estadu no guvernu TL apoiu no haforsa nafatin instituisaun CMSTL nune’e bele sai memoria ba TL.
Lia hirak ne’e hato’o Saudozu Max Sthall nia kaben Ingrid Bucens, Ba Jornalista sira hafoin remata hasoru malu ho PR, Francisco Guterres Lú Olo iha Palásiu Prezidensiál Nicolau, Segunda, (20/12).
” Ohin mai hasoru PR no nia Espoza atu simu kondelensia ho Mensajen hanesan apoiu ba señór Max Stahll, Ho ba ami familia husi estadu no mós povu TL tomak”, Dehan Ingrid.
Kaben saudozu Max Stahll ne’e mós husu atu estadu no guvernu TL apoiu no haforsa nafatin instituisaun CMSTL nune’e bele sai memoria ba TL.
“Ha’u rasik ko’alia kona-ba ida ne’e no dehan katak Max Stahll nia hakarak ba oin hanesan atu prezerva ba oin no aumenta apoiu haforsa instituisaun CMSTL, Nune’e sai nafatin memoria ba TL no mós ba servisu durante iha ne’e mas importante liu ida ne’e bele rezerva hanesan rekursu espesial iha forma audivizual kona-ba TL nia historia”, Haktuir nia
Iha enkontru ne’e PR Francisco Guterres Lú Olo, Apresia tebes ba família no saudozu Max Stahll nia servisu iha TL, desde kleur ona no mós hanoin kona-ba Max Stahll no nu’udar familia hanesan familia ida oferese nia apoiu.*Jos
