Prezidente AJTL: Zevonia Partidu Polítiku Tenke Komprende Didi’ak Papél Jornalista

Naunil Media (Díli), Prezidente Asosiasaun  Jornalista Timor-Leste (AJTL), Zevonia Viera, Hateten tinan oin Eleisaun Prezidensiál oinsa mak halo media literasia ba Partidu Polítiku, atu komprende didi’ak no respeita papél jornalista nian,  durante kobertura kampaña eleisaun.  

“Tinan oin ita sei tama ba Eleisaun Prezidensiál, ne’ebé oinsa mak halo media literasia ba partidu polítika sira, atu komprende didi’ak no respeita papél jornalista nian durante kobertura kampaña eleisaun”, Presidente AJTL Zevonia Viera ba jornalista sira hodi komemora aniversáriu ba dala 22 iha salaun Luz Clarita, Kuarta (22/12).

Nia hatutan, Ho nune’e mak sai hanesan responsabilidade estrutura nian atu halo diskusaun ho Partidu Polítiku sira.

“Iha problema barak maibé oinsa mak halo advokasia kona-bá lider nasionál sira, partidu polítiku sira respeita papel jornalista sira nian, iha públiku, hodi hasae dignidade jornalista sira nian”, Katak nia.

Iha fatin hanesan, Prezidente Konsellu Imprensa, Virgilho Guteres informa, ohin loron 22 espesial ba AJTL, depois AJTL mós halo tinan 22, papél no responsablidade ne’ebé mak fó mai atu ko’alia kona-bá hare’e oinsa media nia independensia garante  eleisaun prezidensiál no parlamentar.

“ Ida ne’e mak fuan husi independensia editorial, bainhira jornalista hatene evita ema seluk nia intervensaun ba nia servisu, hanoin sai hanesan xave independensia editorial,” Tenik nia. Ana