FEATUREDIkus LiuNewsSeguransa

Pasa Revista Poltraz Iha Laivai, Akademika La Hamtauk Komunidade Halo Viazen

Fahe Tutan

Naunil Media (Lautem), Pasa revista ka Check Poin ne’ebe Komando Polisia Nasional Timor-Leste (PNTL), Ne’ebe Komando Munisipiu Lautem kada tinan sempre hala’o iha portu entrada Laivai ne’e, Atu revista ba motorista ne’ebe laiha dokumentus.

Nune’e ba motorista sira ne’ebe laiha dokumentus PNTL sei la prende ka foti Motor/Kareta, Maibe tenke kumpri regras ne’ebe estabelese ona mak tenke multa iha Banco Nasional Comersiu Timor-Leste (BNCTL) sukursal Lospalos villa.

Komadante Provizoriu Poltraz iha Portu entrada Lautem, Costantino Robrigues, hateten, aktividade pasa revista ne’e la’os atu prende komunidade sira ne’ebe hala’o viazen Dili-Lospalos.

” Aktividade ida ne’e ami la’os prende sira nia sasan hanesan motor ka kareta, Maibe ami fo dalan ba Sira, karik dokumentus motorista la kompletu fo billete ba Sira hodi prense no selu multa iha BNCTL Lospalos,” Dehan  Komandante Polisia Tranzitu Provijoria iha Portu entrada Munisipiu Lautem, Costantino Rotrigues, iha Laivai, ba www.naunil.com. Kinta,(24/12/2021).

Nia haktuir, Pasa revista ne’e hanesan aktividade prinsipal ida, hodi asegura ba kareta ho motor balun ne’ebe halo movimentasaun, Revista sira nia dokumentasaun inklui Armas ilegal hanesan, Sasan kroat, pasa revista atu asegura no antisipa.

” Bainhira armas ilegais, hanesan tudik, katana, kilat, petasan, Ne’e ami prende total, Tamba sein rekonhesimentu husi normas PNTL nian, Nunee husi aktividade ida ne’e nunka prende estudante ka inan aman balun ne’ebe hakarak fila ba ida-idak nia hela fatin, Hodi festeza loron Natal ho Tinan foun hamutuk ho familia sira,” Haktuir Costantino.

Aktividade pasa revista ne’e hala’o iha loron (22/10) to’o loron (7/01/2022). PNTL Lautem sempre prontu iha oras 24 nia laran, asegura seguransa iha portu entrada Lautem.

Iha fatin hanesan, Estudante Universidade Nasional Timor Lorosa’e (UNTL),  Departamentu Ciensia Politika, Fakuldade Siencia Sociais, Robertina dos Santos, Apresia tebes ho servisu PNTL komandu Lautem, Tanba aktiviade bele garante seguransa iha Lautemoan sira antes Festeza Natal ho simu Tinan Foun.

 “Ami mai ho motorizada ne’ebe dokumentu la kompletu, Nunee hau tama kedas pasa revista iha portu entrada, PNTL fo asegurasaun ba ami nia motor, maibe sein kontra saida mak sira tau hanesan normas,”  Nia akresenta.

Aktividade pasa revista nee responsabilidade PNTL hakarak ka lakoi tenki tuir orientasaun, Tanba hanesan seguransa di’ak, los no lolos husi Lautem nian,

Nia rekomenda, La’os kontra regras PNTL, Maibe nu’udar estudante akademika atu koalia katak sempre halo tuir normas ne’ebe iha, Nune’e tau Lei ne’ebe rigor hodi bele fo asegura seguransa ba Lautem oan sira nia vida.

Apela ba komunidade labele paniku ba aktividade pasa revista PNTL nian, Iha portu entrada munisipiu Lautem nian, Tanba ne’e aktividade ida oinsa atu bele fo seguru no harmoniza ba kondisaun vida ida-idak nian

Hanesan observasaun, Estudante akademika dda katak, Estudante barak no inan aman balun husi munisipiu refere preokupa no tauk ba PNTL Lautem nian Halo check poin,

Husu atu munisipiu Lautem Oan husi Dili mai Lospalos labele tauk ba pasa revista ne’ebe halo iha portu Entrada Lautem nian, Tamba ne’e sai hanesan seguransa no dalan di’ak ba ita hotu. Latu

Leave a Reply

Your email address will not be published. Required fields are marked *