POLRES Entrega Suspeitu Mai Migrasaun TL
Naunil Média (Díli), POLRES (sigla Indonezia, Kepolisian Resor), deporta fali suspeitu inisia VFTS ne’ebé maka deskonfia halo violasaun seksual no agresaun fiziku hasoru nia oan ho inisial CED idade 11, to’o nia iis kotu, iha Aldeia Moris foun, suku Comoro.
Tanba arguidu hakat fronteira terrestre liu dalan ilegál no hetan kapturasaun husi POLRES (Sigla Indonezia; Kepolisian Resor) Kupang Timur, no entrega hikas mai Migrasaun Timor-Leste iha Batugade.
Tuir Diretor Jerál Servisu Migrasaun, Superintendente Asistente Polisia Luis Barreto deklara, desizaun Governu Indonézia entrega Timor-oan ne’e, bazeia ba kooperasaun di’ak entre autoridade Seguransa Indonezia no PNTL.
“Atu informa de’it suspeitu ba kazu insestu iha Comoro ho naran inisial VFTS tinan 33, husi Munisipiu Manatuto, ne’ebé halai ba Kupang-Indonezia, hetan kapturasaun husi POLRES Baubau Provinsia NTT Kupang Timur iha loron 23 dezembru 2021.
Bazeia ba kooperasaun di’ak entre autoridade Seguransa Indonezia no PNTL horseik Migrasaun Indonezia entrega hikas suspeitu mai ita iha Batugade, hodi kontinua halo prosesu ba nia”, dehan Luís Barreto, iha nia knaar fatin sede imigrasaun vila-verde, Domingo, (26/12).
Luis hatutan, hafoin halo identifikasaun iha Postu integradu Fronteira Mota-Ain-Batugade, Komandante Postu Servisu migrasaun Batugade entrega fali suspeitu ne’e ba iha Servisu Investigasaun Kriminál Nasionál (SIKN) hodi submete ba prosesu investigasaun. Ana
