FEATUREDGeralIkus LiuNews

Padre Avelino: Joven Sira Tenke Hakbesik Aan Ba Espiritual

Fahe Tutan

Naunil Media (Baucau), Vigario Pastoral Wailili Padre Avelino Guterres SDB, husu joven sira tenke hakbesik aan ba espiritual tanba espíritual mak bele kontrola moral no Intelektual.

“Juventude sira tenke hakbesik ba espiritual tanba espíritual ne’e kontrola ita nia moral, kontrola Intelektual buat hotu mak espiritual ne’e maibe ita nunka hakbesik ba espiritual buat hotu lakontrola entaun ida-idak halo ninian”, Dehan Amo Avelino Guterres ba jornalista hafoin selebra misa natál kalan iha Kapela Waimanuboe, foin lalais ne’e.

Padre ne’e mós husu ba joven sira ne’ebé iha poder no líder Juventude sira hatudu hahalok di’ak no mós kontrola membru sira ho liafuan fila tanba ema hotu kriatura Maromak nian.

“Joven sira ne’ebé iha poder hanesan lideransa sira ne’e halo favor hatudu hahalok ne’ebé di’ak liuliu kontrola ninia membru sira ho liafuan ne’ebé di’ak ba na’in sira tanba ita ne’e Maromak oan de’it la’ós tanba hatudu ita nia forsa ba malu ne’e laiha”, katak padre Avelino

Tanba sarani sira mesak familia no maun alin de’it atu Timor laran tomak,  mós mesak Timor oan de’it la’ós ema leet ida ne’ebé halakon tiha buat ida dehan individu nian,  no hamoris buat ida dehan ema hotu nian no hamoris buat ida komún.

“Ita prontu simu malu iha sala prontu simu malu se aat iha dalan bele hadia malu la’ós atu halo hasoru malu forsa ho forsa ne’ebé joven sira pelumenus bele hakbesik aan ba espiritual para espiritual bele kontrola buat hotu”, tenik nia

Nune’e ne’e mós chefe aldeia Waimanuboe Amancio Gusmão Freitas husu ba joven sira liuliu iha aldeia rua atu evita problema tanba loron natál ne’e lá’os tempu problema.

“Ha’u husu ba Juventude sira iha Waimanuboe no Watubala evita halo problema, tanba ohin loron tempu natál ne’e lá’os tempu halo problema maibé ohin ne’e tempu ida haksolok nian, ne’ebé ha’u fo hanoin ba ha’u nia alin sira husi rua ne’e tur iha ida-idak nia fatin, nune’e too aban lebele hetan asidente ruma”, tenik xefí aldeia Waimanuboe

Aldeia Waimanuboe pertense iha suku Wailili, Postu administrativu Baucau vila Munisípiu Baucau. *Jos

Leave a Reply

Your email address will not be published. Required fields are marked *