Festival KMR “Lú Olo” Kontinua Hametin Identidade Nasional

Naunil Média (Dili), Liu hosi festival Kultura Musika Rezistensia (KMR), Parte ida hosi komprimisiu, Prezidente da Republika (PR), Francisco Guterres “Lu-Olo.” 

Festival KMR ne’e ho objetivu hodi hametin no haburas identidade Nasional Timor-Leste (TL).

Xefe  Kasa Sivil PR,  Francisco Maria de Vasconcelos, iha festival ne’e hateten, Festivál KMR parte ida hosi kumprimisu PR Francisco Guterres Lú-Olo, Ho objetivu hodi haburas no hametin identidade nasionál.

“Festivál KMR parte ida husi kumprimisu PR nian, oinsá atu haburas no hametin identidade nasionál, Iha rezisténsia la’ós de’it ema lori kilat maibé lori arte, múzika no pintura hotu, halo rezisténsia ba ita-nia luta durante tempu naruk, Tanba ne’e iha sosiedade ida iha karakteristiku rasik, mak nia identidade ho nia kultura rasik ba espresaun iha nia arte sira”, Dehan Xefe Kaza Sivil, liu hosi intervensaun iha amibitu selebrasaun loron festival KMR, Comoro, Tersa kalan, (28/12).

Nia haktuir, Iha faze finál konkorentes hamutuk na’in 13 mak kompete, depois aprezentasaun kanta, juri deside tuir valór ne’ebé mak iha, Na’in 6 mak hetan valór di’ak liu no manán iha festival tinan-2021 no na’in ida manán ho favoritu.  

“ Manán ka lakon la’os objetivu primeiru liu, maske ida ne’e importante, Maibé importante liu oinsá atu haburas hodi hametin ita-nia identidade hosi ita-nia kultura rasik. PR Francisco Guterres Lú-Olo, Tau matan ba joven sira, Tana sira mak futuru nasaun nia, Sira mak sei habelar no hametin ita-nia rain rasik ba mundu internasionál.” Nia esplika

Konkorente sira hatudu ona ba maluk joven sira rihun ba rihun iha TL katak joven sira mak futuru ba rai ida ne’e.

Kontestan na’in 7 ne’ebé mak hetan valór di’ak no sai manán na’in mak hanesan,  Renizia da Costa Neves (primeiru-lugar), Efigeni Fernandes, (segundu-lugar), Nikel dos Santos (Terseiru-lugar), Amancia de Araújo (kaurtu-lugar), Lamberto dos Santos (Kintu-lugar), Adriano (sextu-lugar) no Isamara Alves hanesan manan nain (favoritu).

“Ha’u hakarak hato’o ba ita bo’ot sira ne’ebé mak hetan primeiru-lugar no segundu-lugar, Ita bo’ot sira mak melhor iha episode festival tinan-2021.” Haktuir nia.

Basira ne’ebé mak seida’uk hetan, ne’e kestaun tempu de’it, dezafiu ba sira atu buka di’ak liután.

Kompetisaun ne’e realiza hosi PR no ko’operasaun ho Sekretariu Estadu Juventude no Desportu (SEJD), Sekretariu Estadu Arte no Kultura (SEAK), Ministériu Administrasaun Estatal (MAE), no Televizaun Edukasaun Timor (TVET).*Jos