Lu-Olo” Hadi’ak Kondisaun Labarik Tenke Hamenus Ki’ak No Dezigulidade
Naunil Média (Dili), Atu hadi’ak moris di’ak labarik no joven sira atu estuda, tenke halakon ki’ak no dezigualidade.
Prezidente da Republika (PR), Francisco Guterres “Lu-Olo,” Hateten, Timor-Leste (TL), tenke hamenus ki’ak no dezigualidade, Nune’e bele hadi’a kondisaun ba labarik no joven sira atu estuda.
” Ba tinan oin no tuir mai, ita tenke hamenus ki’ak no dezigualdade. Maior parte família la iha kondisaun atu oan sira estuda iha uma tanba la iha meiu teknolójiku modernu, Ita presiza hadi’ak kondisaum ba labarik no joven sira estuda iha uma hodi ita bele halakon dezigualdade sosiál ita nia Rain”, PR “Lu-Olo,” hato’o lia hirak ne’e liu hosi mensajen tinan foun ba povu TL, Iha Palasiu Prezidente, Nicolau Lobato, Kinta, (30/12).
PR haktuir, TL tenke garante no investe liu tan agrikultura, No atensaun espesial importante tebes produsaun hahan rasik tanba soberania alimentar hola parte iha soberania paíz.
” Ita tenke preokupa ho ita nia auto-sufisiénsia alimentár, Katak importante tebes prodús rasik ita-nia hahán tanba soberania alimentar halo parte soberania país nian. Atu garante ida ne’e, ita tenke investe maka’as liután iha agrikultura ho atensaun espesiál ba agrikultura família nian no hare’e oinsá tulun hodi lori sira nia produtu ba merkadu”, Informa Aman Nasaun ne’e.
Nia akresenta, TL presiza diversifika ekonomia ba prioridade ida tenke kapasita sektor privadu, Demokrasia ezije hanoin ho maneira séria no responsável oinsá hakle’an partisipasaun husi sidadaun sira iha vida polítika nasional.
Nune’e TL tenke akompaña nafatin, Situasaun internasionál no hala’o diplomasia ida ne’ebé ativa no efikáz liu, tuir objetivus estratéjikus nasionais.
Francisco Guterres fiar nafatin katak, TL sei haka’at dezafiu no difikuldade hot-hotu ne’ebé hasoru nu’udar povu no nasaun. *Jos