Ramos Horta Simu Vasina Datoluk, Ho Prizer

Naunil Media (Díli), Eis presidente Repúblika José Manuel Ramos Horta,  Hahu simu vasina Pfizer datoluk iha nia residensia Metiaut.

“Ohin ha’u simu terseira doze bolu booster ho termu tekniku ingles busta, busta ne’e hahú ona iha Europa Amerika no Australia, hahú kedas iha fulan Abril tinan kotuk, tanba vasina babain ne’e fulan neen (06) ka hitu (06) nia fraku ona”, Dehan Ramos Horta hafoin simu vasina Pfizer ba doze datolu iha nia residente Metiaut, Tersa (04/01).

Antes simu vasina ne’e nia mós estuda buat sira ne’e iha fulan Jullu liu ba,  aviza ona ba governu no iha nia pajina Facebook katak prepara ba Busta, tanba Covid seidauk hotu.

“Pesoalmente ha’u estuda buat sira ne’e iha fulan Jullu liu ba,  ha’u aviza tiha ona ba governu ha’u hatete ona katak prepara ba busta, tanba kovid ne’e seidauk hotu tan ne’e, Ita sorte tinan kotuk iha sa’e makas mais depois tun, tanba vasina mós efeitu entaun tranmisaun ema ladun moras,  maibé hanesan ita bo’ot sira hatene Amerika 400 mill kada loron, Australia uluk kontrola di’ak loos  agora araska hanesan mós iha Nova Zelandia no Xina,  mós hahú fila fali ona”, Katak nia.

Vasina doze da-toluk ne’ebé simu semana rua ka tolu mak nia efikaz laos ohin halo vasina fó kedas protesaun.

“Ha’u kontente tanba governu halo dadaun preparasaun halo buste,r ba ita nia populasaun ho vasina pfizer ho AstraZeneca vasina rua ne’e prova ona iha mundu,  ne’ebé efikaz, ita espera ho terseira doze ne’e ho medida  prevensaun nafatin, tanba mutasaun bo’ot tama iha Amerika no fatin hotu-hotu ne’e la tó iha Timor”, Tenik nia.

Nia afirma,  Populasaun sira ne’ebé halo tiha ona segunda doze liu  ona fulan neen, karik Governu ka autoridade sira hatete, oferese buska ou teriseiru doze, simu ba, tanba ne’e ajuda proteze-an, la proteze pursentu 100, maibé simu ba, tanba haree Timor esperensia fulan lubuk ida nia laran ema la mate, tanba vasina.

“Populsaun sira ne’ebé kompleta ona segunda doze liu ona fulan neen,  maizumenus governu no autoridade sira hakarak oferese booster ka terseira doze,  ha’u hatete simu ba,  tanba ne’e ajuda proteje ita la proteje 100% , maibé  Protege 80% tanba ne’e mak ita haree Timor mortalidade covid menus”, Nia haktuir.

Timor-Leste konsege kontrola no vasina AstraZeneca fó protesaun makas tebes,  halo tan buster entaun di’ak liu tan. Tanba medida autoridade, saúde sira halo sobretudu ba vasina,  husi estudu bar-barak Ramos rasik haree AstraZeneca fó protesaun maka’as di’ak tebes, no halo tan buska di’ak liután.

Entretantu Vasina datoluk ho tipu Pfizer tanba la’o di’ak tebes ho AstraZeneca. LTS