Selebra Natal Ho Tinan Foun, PNTL Lautem Rejista Kazu Ne’en
Naunil Media (Dili), Durante selebrasaun Natal ho Tinan foun, Komandu Polisia Nasional Timo-Leste (PNTL), Munisipiu Lautem rejista, Kazu krime ho trafiku humanu hamutuuk Ne’en (6).
Komadante Komandu PNTL Lautem, Supertedente Polisia Antonio Rego Fernandes hateten, Durante tempu Natal ho Tinan foun PNTL Lautem rejista kazu krime hamutuk Lima (5) no kazu semi publiku asidente trafiku ida (1).
Kazu hirak ne’e akontese iha loron 24-25 Fulan Dezembru Tinan 2021.
” Durante selebrasaun loron Natal no Tinan foun Komando PNTL Lautem rejista kazu hamutuk Ne’en, Akontese iha loron 24 loraik, Akontesimentu ne’e akontese iha ne’ebe jogu komunitario entre suku Soru ho Suku Fuiloru, hamosu denzentendimentu rezulta Joven no adeputus sira asalta malu, Nune’e loron 25 mos iha akontesimentu ida iha suku Home iha Aldeia ida sasan no uma hetan estragus husi joven sira, Maibe ne’e hanesan kategoria kazu minor no rezolvidu kedas ida Fila fali, Nune’e mos iha akontesimentu iha tempu paseiu iha Tutuala Walu sere, Ne mos hanesan kazu minor asidente trafiku ida maibe la rezulta kanek no mate,” Dehan Komdante PNTL Lautem, Antonio Rego Fernandes, ba Www.naunil.com, Iha nia kna’ar fatin Tersa, (04/01).
Nia haktuir, Durante selebrasaun Natal ho Tinan foun situasaun iha Munisipiu Lautem la’o hakmatek.
” Natal no Tinan foun situasaun iha Teritoriu Munisipiu Lautem laran la’o hakmatek, Tanba juventude no komunidade sira iha koperasaun di’ak tebes ho parte siguransa sira,” Haktuir Komadante Antonio.
Durante Festeza tina foun iha loron 01-02 fulan janeiru ne’e, Komunidade sira sempre halo paseu/Piknik, Iha Com, Tutuala Walu, Maibe la akontese problema ka komflitu ne’ebe grave.
Tanba joven ho Komunidade Lautem, kolabora malu no kopera di’ak ho parte seguransa Lautem di’ak tebes.
Nune’e Komandante Komandu PNTL Lautem, Apela nafatin ba komunidade no juventude sira atu kontinua kopera ho parte seguransa sira hodi bele garante paz no estabilidade iha rai sagradu Lautem. #Ze
