Tinan 2021 PNTL Lautem, Rezista Kazu 226
Naunil Media (Lautem), Hahu husi Janeiru to’o Dezembru Tinan 2021, Polisia Nasional Timor-Leste (PNTL) Komando Munisipiu rezista kazu 226.
Kazu 226 ne’e kompostu husi Kazu Krime hamutuk 181 ho Asidente trafiku hamutuk 45, Kazu ne’e hamutuk 226.
Komadante Komandu PNTL Lautem, Supertedente, Antonio Rego Fernandes, hateten, Durante tinan 2021, Komandu Lautem rejista kazu Kazu Krime ho Asidente trafiku hamutuk 226, Maioria kazu ofensa simples ho violensia domestika.
Komadante Anotnio Rego, hato’o lia hirak ne’e, Ba Www.naunil.com Iha nia kna’ar fatin, Tersa (04/01).
Nia dehan, kompara ho tinan 2021 ho 2020 ne’e kazu hahu redus ona, Tanba iha tinan 2020 ne’e rejista kazu hamutuk 239 maibe ba tinan ida ne’e redus ona ba 181.
“ Tinan 2021 Komandu PNTL Lautem atende kazu Krime hamutuk 181 ne’ebe mak akontese iha Lautem, kazu hirak ne’e maioria kazu Ofensa simples depois tuir fali Kazu Violensia Domestika,” Antonio Haktuir.
Nia esplika, Iha tinan 2021 Komandu PNTL Lautem, Liu hosi seksaun Polisia Tranzitu mos rejista Asidente Trafiku ne’ebe akontese iha Lautem hamutuk 45 no husi Total Asidente refere rezulta ema nain tolu Mate.
Komadante Komandu PNTL, Lautem sei kontinua servisu hamutuk ho komunidade inklui lider komunitaria no Joven sira hodi bele reduz Krime asidente trafiku sira iha Teritoriu Lautemida ne’e. #Ze
