MEJD Transfere Ona Orsamentu Ba Programa Merendar Eskolar
Naunil Media (Díli), Ministeiriu edukasaun joventude no desportu (MEJD) transfere ona orsamentu kona-bá programa merendar Eskolar ba bankaria munisípiu ida-idak.
Tuir Diretár Jerál no Administrasaun Finansas MEJD Antoninho Pirez hateten, Orsamentu programa merenda eskolar ne’ebé mak agora dadaun MEJD transfere ona bá iha konta bankaria munisípiu ida-idak, maibé sei mantein nafatin ho 0,25 sentavus.
“Politikamente sei mantein nafatin ho 0,25 sentavus, tanba ita bazeia ba orsamentu ne’ebé mak iha, ho ida ne’e menu tuir manual mak ho aihan lokal sira, tanba ne’e ita apela ba kada munisípiu ida-idak tenke prepara menu tuir saida mak ható ba”, Dehan Diretór Jerál no Administrasaun Finansas MEJD bá Naunil Media iha nia knaar fatin MEJD, Tersa (04/01).
Nia hateten, Menu ne’e haree liu ba produtu lokal, atu nune’e iha nutrisaun ida ne’ebé mak di’ak liu, atu nune’e labele fó impaktu ba estudante sira bainhira konsumu, no kada loron ida sira merenda dala ida tuir menu ne’ebé mak iha.
Molok ne’e, Ministru Administrasaun Estatal (MAE) Miguel de Carvalho hateten , Liu husi orsamentu hirak ne’e iha munisípiu balun sira sei fornese de’it programa merenda eskolar, hanesan iha munisípiu Manufahi fornese tó loron 150 no loron efektivu 191 no balun tó de’it loron 70. Dehan nia.
“Orsamentu ida ne’e ita finansia ba estudante sira iha munisípiu 12, ho total ita nia estudante ne’ebé mak implementa merenda eskolar hamutuk 281,418, kompostu husi ensinu pre-eskolar tó ensinu báziku terseiru siklu sira iha territoriu nasionál”, Nia hakotu LTS
