Assanami: Konferensia Mak Sei Deside Kandidatura PD Ba ELPREZ
Naunil Media Díli), Prezidente Partidu Demokrátiku Mariano Assanami Sabino hateten, Depois de PR dekreta data eleisaun prezidensiál mak PD sei iha konferensia nivel nasionál hodi deside kandidatura ba eleisaun prezidensiál.
“Depois dekreta data eleisaun PD sei halibur para rona opiniaun husi Munisípiu hotu-hotu atu iha kandidatu rasik, ka lae no kandidatu rasik karik deside ba se ne’e hotu ami iha regras, ida ne’ebé baibain ami la’o tuir sempre iha konferensia ida nivel nasionál Munisípiu hotu partisipa”, Dehan Prezidente PD ba jornalista sira hafoin enkontru ho Prezidente Repúblika Francisco Guterres “Lú Olo” iha palásiu Prezidensiál Nicolau Lobato Bairru Pite, Kinta (06/01).
Tuir Assanami katak karik kandidatu aban bainhira rua kandidatu PD nian, iha kuadrus PD nian mós tenke sai kandidatu povu nian.
Mariano hatutan, Nu’udar jerasaun foun sempre husu apoiu ba partidu hotu, husu apoiu ba líder hotu tanba Prezidente Repúblika ne’e diferente ninia funsaun, iha sistema semi prezidensialista nia la’ós atu hala’o servisu partidu nian, la’ós interese partidu nian, maibé garantia funsuinamentu institusionál no mós garantia sistema demokrásia ne’ebé lao.
Nia dehan, Sé de’it mak prezidente Repúblika inklui karik kuadrus PD nian ne’ebé sai kandidatu presiza apoiu maun hotu hotu hanesan, maun Xanana, maun Marí, maun Taur líder hotu-hotu no partidu politika sira, hotu ne’e de’it mak rezulta ba Prezidente Repúblika ida ne’ebé di’ak ba povu tomak.
Jornalista *Jos
Editór Lop
