PD Kumpri KRDTL Enkontru Ho PR “Lú Olo”
Naunil Media (Díli), Partidu Demokrátiku (PD) kumpri Konstituisaun Repúblika Demokrátika Timor-Leste (KRDTL) enkontru ho Prezidente Repúblika (PR) Francisco Guterres “Lú Olo” antes PR dekreta loron eleisaun prezidensiál 2022.
Prezedente Partidu Demokrátiku Mariano Assanami Sabino ható lia hirak ne’e ba jornalista sira hafoin enkontru Konsultasaun ho Prezidente Repúblika Francisco Guterres “Lú Olo” iha palásiu Prezidensiál Nicolau Lobato Bairru Pite, Kinta (06/01).
“Ami nia enkontru ohin ne’e kumpri de’it Konstituisaun RDTL, prezidente Repúblika wainhira atu dekreta loron eleisaun prezidensiál ba 2022, tuir Konstitusaun rona mós husi partidu polítiku sira, entaun ami ko’alia loos de’it konsultasaun prezidente nian no rona mós ideia partidu polítiku sira ne’ebé kumpri Konstituisaun”, Katak prezidente PD Assanami
Líder partidu PD ne’e mós hatutan, PD nu’udar partidu polítiku ne’ebé mak iha responsabilidade bo’ot, atu instala valores demokrásia ba prosesu konstrusaun estadu PD fó hanoin katak presiza kumpri Konstituisaun no mantein valores demokrásia prátika ne’ebé tenke la’o tuir dalan demokrásia.
Assanami hateten, Ukun ne’e povu nian presiza fó tempu ba povu atu bele tuir eleisaun ho livre ho regras hotu-hotu, maske iha pandemia Covid-19 maibé hakarak komprimenta nafatin Konstituisaun no halo tuir Prosesu hotu-hotu, importanti votus povu nian mak rezulta ba Prezidente Repúblika no Parlamentu Nasionál.
Nia dehan, Kona-bá data ne’e kompetensia prezidente Repúblika nian ne’ebé nu’udar partidu polítiku, kumpri de’it saida mak prezidente deside, tanba Prezidente mós deside tuir kompetensia ne’ebé Konstituisaun fó hela.
Iha enkontru ne’e Prezidente Repúblika Francisco Guterres “Lú Olo” mós apresia pozisaun partidu demokrátiku durante ne’e, hanesan partidu jerasaun foun ne’ebé mak durante ne’e ninia pertensia ho ninia sentidu estadu ne’ebé bo’ot tebe-tebes.
Jornalista *Jos
Editór Lop
