MEJD-EUA Halo Lansamentu Distribuisaun Ai-han Ba Programa Merenda Eskolar
Naunil Media (Díli), Ministeriu edukasaun juventude no desportu (MEJD) hamutuk ho Estadus Unidus America (EUA) Liu hosi CARE internasional iha Timor-Leste ofisialmente halo lansamentu distribuisaun ai-han ba programa merendar eskolar (PME) ba iha munisipiu hat hanesan munisipiu Ermera, Liquiçá, Ainaro no Manatuto.
Tuir reprezentante ministru edukasaun Diretor Jerál, Administrasaun i Jestaun Finansas MEJD Antoninho Pires katak, Ita hetan apoiu iha tinan rua no tolu nia laran husi EUA liu husi CARE internasional iha Timor-Leste bele fó apoiu ida ne’e, ne’ebé apoiu ida ne’e ami bele dehan katak fó tulun tebes iha parte MEJD nian, liu-liu iha merendar eskolar ninian, no espesial ba munisípiu 4 ne’ebé agora dadaun lao hela.
“Programa merenda eskolar ne’e ita hatene katak programa ida ne’ebé estadu Timor-Leste, liu husi Ministeriu edukadaun hatur programa ida ne’e simplesmente, atu bele oinsa haree ba iha parte atu ajuda ita ninia eskolar, oinsa atu bele halo kobertura ba iha patrizamentu”. Dehan Diretór Jerál Antoninho Pires ba jornalista iha armajen ANL Comoro, Sexta (07/01)
Diretor jerál administrasaun i jestaun finnsas MEJD haktuir, Timor-Leste liu-liu iha área edukasaun nian iha parte programa merendar escolar, atu bele oinsa halo atendementu ba iha programa merendar escolar, iha parte primeiru periodu ninian ba iha fulan Janeiru tó fulan Marsu.
“Ami kongratula tanba koperasaun ida ne’e, mesmu ba dala uluk husi CARE liu husi programa HATUTAN halo pilotajen ba iha munisípiu hat”, Katak nia.
Iha Fatin hanesan reprepzentante sekretaria estadu Charge d’Affaires Embaixada EUA Tom Daley hateten, Lansa distribuisaun ai-han doadu ba eskola sira iha Ainaro, Ermera, Liquiçá no Manatuto, no asegura katak alunu nain 90.000, bele simu refeisaun iha eskola loron dahuluk eskola nian.
“Programa HATUTAN finansiadu husi USDA, iha objetivu maka atu hadiak edukasaun, nutrisaun no saúde iha eskola 445, ho ninia komunidade iha Ainaro, Ermera, Liquiçá no Manatutu”, Nia sublina
Nia salienta, Programa HATUTAN atu intrega ai-han husi EUA total 660 toneladu Metriku (TM) 440 TM fos fortifikadu, 150 TM kotu makerek no 70 TM Mina Vejetal. Jornalista LTS
Editór Lop
