Polítika CNRT Maduru, Laiha Adversaria Atu Kritika Malu
Naunil Media (Díli), III Vice prezidenti Komisaun Polítika Nasionál Partidu Congresso Nacional de Recunstrução de Timorense (CPN-CNRT) Tomas do Rosario Cabral, Hateten CNRT Maduru ba polítiku no laiha adversaria atu kritika malu.
“CNRT maduru ba polítiku ne’ebé ami laiha adversaria atu kritika malu, ami nia pozisaun mak ida ne’e paz no estabilidade de’it”, Dehan III Vice prezidenti CPN Tomas do Rosario Cabral ba jornalista sira hafoin hasoru malu ho Prezidenti Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, Sexta (07/01).
Nia hatutan, Sira nain haat husi partidu CNRT, mai hasoru prezidenti Repúblika, tanba sira hetan konvite ba konsulta no sira mós ható ba Prezidenti Repúblika pozisaun CNRT mak ida de’it marka loron elisoens, no sira kumpri CNRT nia pozisaun mak ida ne’e de’it.
Tomas hateten, CNRT nu’udar pilar politiku partidu nian, aset estadu, prezensa atu kontribui ba markasaun kalendariu elisoens tuir konvite ne’ebé iha.
Nia dehan, Kona-bá kandidatura CNRT iha nia estatuta rasik, ami na’in haat labele deside buat ida, konferensia ou kongresu ne’e altu nivel partidu nian desizaun partidu.
CNRT mós hanesan partidu polítiku ida iha bankada parlamentár no prontu atu kompete ka prontu salva orgaun konstitusionál ida ne’e de’it, Nia hakotu.
Jornalista *Jos
Editór Lop
