PR “Lú Olo” Rona Opiniaun PUDD
Naunil Media (Díli), Partidu Unidade Dezenvolvimentu Demokrátiku (PUDD) laiha obsesaun seluk no fó apoiu ba saida mak Prezidenti Repúblika (PR) Francisco Guterres “Lú Olo” estadu hanoin kona-bá preparasaun eleisaun prezidensiál.
“Enprinsipiu PUDD laiha obsesaun seluk ami fó apoiu ba saida mak prezidente Repúblika nian hanoin, kona-bá preparasaun ba eleisaun prezidensiál ida ne’e, no PUDD laiha obsesaun seluk”, dehan Prezidente Interinu Partidu Unidade Dezenvolvimentu Demokrátiku (PUDD) Silvestre Xavier Sufa ba jornalista sira hafoin enkontru ho Prezidente Repúblika Francisco (PR) Guterres “Lú Olo” iha Palásiu Prezidensiál Nicolau Lobato Bairru Pite, Sexta (07/01).
Prezidente Interinu PUDD ne’e hatutan, Sira hetan konvite husi Prezidente Repúblika, hanesan mai rona informasaun oinsá bele hala’o preparasaun ba eleisaun prezidensiál, ho nune’e ohin sira rona tiha ona informasaun hirak ne’e husi xefí estadu rasik.
Silvestre hateten, Kona-bá preparasaun ba eleisaun prezidensiál ne’ebé tuir kompetensia prezidente Repúblika, hanesan partidu polítiku sira PUDD suporta tuir Konstitusaun no hanesan Partidu polítiku preparadu kualker tempu PUDD prontu.
Nia dehan, Temporariamente PUDD seidauk hanoin atu deside kandidatu ruma ba Prezidente Repúblika, tanba sira sei iha prosesu organiza partidu no estabelese partidu di’ak liu tan no mós desizaun ne’e sira sei hola iha konferensia mak sira atu apoiu ka sira atu kandidatu ba se depende ba konferensia mak bele deside.
Jornalista *Jos
Editór Lop
