PR Sei Dekreta Data Eleisaun Iha Loron 15 Fulan-Janeiru 2022
Naunil Media (Díli), Sekretariu Jerál Partido União Democrática Timorense (UDT), Depudadu Francisco David Xavier Carlos hateten, Ohin enkontru konsultasaun kona-bá eleisaun ne’ebé mak Prezidenti Repúblika (PR) Francisco Guterres “Lú Olo” sei dekreta iha loron15 fulan Janeiru tinan 2022.
“Ohin ami enkontru ne’e Konsultasaun sobre eleisaun ne’ebé prezidente atu dekreta iha iha loron 15 fulan Janeiru tinan 2022, no mós ami nia apresiasaun louva prezidente Repúblika durante tinan 5 halo servisu embora hasoru dezafius barak, maibé hatudu katak aman nasaun só prezidenti hatudu ida ne’e”, Dehan SEKJER UDT Francisco D.X. Carlos ba jornalista sira hafoin enkontru ho Prezidenti Repúblika (PR) Francisco Guterres “Lú Olo” iha palásiu Prezidensiál Nicolau Lobato Bairru Pite, Sexta (07/01).
Sekretariu Jerál Partidu União Democrática Timorense ne’e mós hatutan, Opiniaun kona-bá loron ba eleisaun prezidensiál ne’e klaru no iha ona ajenda katak, prezidente Repúblika sei dekreta iha loron 15 agora.
SEKJER UDT ne’e hateten, Tuir Konstitusaun RDTL tinan 5 tenke halo eleisaun prontu ida ne’e mak sira konsulta hamutuk ho Prezidenti Repúblika, ne’ebé sira fiar desizaun ne’ebé Prezidenti nian hanesan mós sira nia hakarak.
Francisco esplika, Partidu UDT mós louva prezidenti Repúblika ne’ebé durante tinan 5, hala’o nia servisu la’os fasil, maibé hasoru dezafius barak embora iha li’ur ne’e dehan buat hotu fasil, tanba sistema hasoru povu nia moris ne’e mak hanesan prezidenti Repúblika hasoru tinan hira liu ba ne’e mak UDT louva prezidenti.
Nia dehan, Dadaun ne’e UDT seidauk iha kandidatura, tanba enkontru konsellu Superior polítiku mak foin foti desizaun, no ne’e kabe ba kompetensia konsellu polítiku Superior nian no mós sei liu husi konferensia, no sira sei fó sai se mak atu sai Prezidente no entantu hakarak prezidente ida ne’ebé ke bele lori Timor ba oin ho situasaun dezafius ne’ebé agora Timor-Leste enfrenta, ba ne’e no lori Timor bele sai husi sirkulu ida ne’e.
Iha enkontru ne’e Prezidente Repúblika mós fó apresiasaun ba partidu UDT, kona-bá postura Polítika UDT nian iha Parlamentu nasionál, perante sira nia mandatu tuir sira nia karakteristiks UDT nian, sentru moderadu no sira tau interese enjeral povu Timor-Leste.
Jornalista *Jos
Editór Lop
