João: Diskusaun Ho Komunidade Oinsá Proteje Monte Leguamau

Naunil Media (DÍli), Diresaun Jerál Floresta, departamentu área Protejida,   João  do Santos hateten, objetivu diskusaun ho komunidade  kona-ba planu jestaun, oinsá  atu proteje  monte leguamau, iha aldeia Caidabu,  suku Iliomar II, postu administrativu Iliomar, Munisipiu Lautem.

“Halibur komunidade  nia hanoin   aban bainrua  oinsá, bele jere ita-nia área  protejida la’o ho  di’ak, bazeia  ba ita-nia konstituisaun.

No ita haburas ita-nia kultura ho razaun  ita-nia lei  sistema Nasionál  hakerek ih ne`eba, entaun  fatin sira ne’ebé tama kultura iha área  monte Leguamau”, dehan João dos Santos ba jornalista naunil media, iha aldeia Caidabu, 11/12/2021.

Nia hatutan, iha diskusaun ne’e, komunidade sira iha diretu no dever mós, hodi tau hamutuk ideas, ikus komunidade sira iha kolaborasaun no prontu hodi kuda ai-oan ba iha área refere.

“ita hotu iha hanoin  no dever  atu asegura  ita-nia kultura, ita labele halakon no estraga, komunidade prontu atu  harii grupu  kuda ai-oan, tau matan ita-nia kultura  sira ne’ebé tama  área protejida”,Diretor esplika.

Iha fatin hanesan, xefe aldeia caidabu, Artur Madeira  akresenta, komunidade sira sei inklina an iha área florestal, maibé diresaun florestal sei haree tuir komunidade sira-nia servisu.

“ami rekomenda ba  área Florestal    ho  rekursu   naturais  katak, ami sei envolve iha área florestal, maibé sira sei  haree tuir ami-nia servisu ne’ebé maka foin dadauk ami rekomenda.

ami protu para servisu kona-ba  meiu ambeinte  florestal iha kultura ai laran nian, depois ami sei   forma grupu  atu kontrola ami-nia kultura ai-laran  no ami-nia rekursu  ho ami-nia rikusoin”, Artur hato’o.

Entertantu, komunidade aldeia caidabu hamutuk ho xefe aldeia  prontu servisu hamtuk ho    diresaun jerál Florestal  no departamentu  área protejida Nasionál  atu kontrola    kutura ai-laran ho rikusoin  iha  monte Leguamau Munisipiu Lautem liu-liu iha aldeia caidabu. Leo