Deputada Olinda : Hakarak ‘Tebe Sai’ MOP Salvador Tanba Kapasidade Laiha
Naunil Media (Díli), Xefí Bankada Partidu Kmanek Haburas Unidade Nasionál (KHUNTO), Deputada Olinda Guterres, husu Ministru Obras Públiku (MOP) SalvadorEugénio Soares Dos Reis Pires rejigna aan husi nia kargu tanba la iha kapasidade hodi resolve estrada ne’ebé mak kondisaun aat.
“Ministru Salvador Eugenio Soares dos Reis Pires kuandu inkapasidade, dia’k liu rejigna aan rasik, duke ami tuun ba baze ema kritika ami, kona-bá estrada aat, husi Baucau ba Venilale tó Kraras estrada mesak rai tahu no ponte besik tohar ona, no kareta dolar ba mai lao ladi’ak”, Dehan Deputada Olinda Guterres iha uma fukun Parlamentu Nasionál (PN) sala plenária, segunda (10/01).
Nia hatutan, Ministru Obras Públika nia hakarak saida, maske koligasaun, maibé KHUNTO dala barak ható povu nia aspirasaun no preokupasaun, ministeriu relevante la tau atensaun.
Nia afirma,Tanba ható bebeik ona problema povu nian relasiona ho estrada aat iha PN no tó agora estrada nia kondisaun nafatin de’it.
Agora hare’e estrada diresaun ba Bobonaru nian di’ak, ba fali Viqueque aat tebes ne’e tanba saida, Nia preokupa.
Iha Fatin hanesan, Deputada Bankada CNRT, Maria Fernanda lay,informa, manutensaun estrada nasional inklui ponte Loes sai preokupante.
Husu ba komisaun kompatente atu tau matan, fiskaliza ka lae no nia problema maka Ministru sira la rona, iha Karinbala rai monu taka hotu taka estrada, tanba sa lahamos ne’e estrada nasionál Ministeiriu relevante atu labele toba dukur, nia hakotu
Jornalista Ana
Editór Lop
