PD Kandidatu PR Na’in Rua, Sei Deside Liu Husi Koferensia Nasionál
Naunil Media (Díli), Partidu Demokrátiku (PD) deside kandidatu Prezidente Repúblika (PR) na’in 2 hodi deside iha konferensia nasionál partidu Demokrátiku, hodi avansa ba kompete iha eleisaun prezidensiál tinan 2022/2027.
Sekretariu Jerál Partidu Demokrátiku (PD), Deputadu Antonio da Conceição “Kalohan” Hateten, PD liu husi orgaun konsellu superior iha reuniaun loron 6 no 7 fulan Jáneiru tinan 2022, simu disponibilidade kandidatu na’in 2, ne’ebé prontu atu kompete malu iha partidu liu husi konvensaun nasionál, sei realiza iha loron 15 fulan Janeiru, hodi sai nuudar kandidatu nasionál.
“iha Kandidatu primeiru mak Deputadu Mariano Assanami Sabino, Prezidente partidu, segundu kandidatu Deputadu Adriano do Nascimento, Prezidente Consellu Polítiku (PCP) Nasionál PD”, Dehan, Sekretariu Jerál PD, Antonio da Conceição, “Kalohan” iha konferensia imprensa iha sede PD Colmera, Segunda (10/01).
Nia dehan, Kandidatu na’in 2 ne’e sei hala’o debate iha loron 15 fulan Jáneiru hodi aprezenta sira nia vizaun nudar Prezidente Repúblika, hodi hili demokratikámente nudar kandidatu nasionál atu kompete ho kandidatu seluk iha Eleisaun Prezidensiál iha tinan 2022-2027.
Nunee mós Mariano Assanami Sabino Prezidente Partidu PD, Informa kandidatu ba Prezidente Repúblika ne’e responsabilidade, PD nudar partidu ida ne’ebé mak tuan laos husu PD hakarak ka lae, maibé PD tenke hakarak no prontu ba estadu. PD nia kandidatu ba povu i atu sai prezidente ba povu, husu ba membru hotu, militantes PD ho estrutura hotu atu fó apoiu ba kandidatura PD nian.
Nunee mós, Adriano do Nascimento Prezidente CPN atual kandidatu ne’e hatete, PD mosu kandidatu 2.
“Ami nia Partidu Demokrátiku, tanba ne’e nudar lider PD tenke dinamiza demokrásia iha rai ida ne’e.
Nia akresenta tan,Tenke dinamiza demokrásia iha partidu rasik, ne’ebé ami mai hanesan lider partidu iha nia prinsipiu katak, prontu atu hakarak atu servi povu no nasaun.
“Maibé ne’e, tenke taes ho demokrátiku rasik, atu nunee demokrásia iha Timor-Leste bele lao tuir ema hotu nia hakarak.
Nia hatutan,Karik kandidatu 2 ne’e la liu membru sei apoiu ba partidu seluk, maibé atu dehan lakon ka manan ne’e lider PD no fundadores PD hakarak dinamiza demokrásia iha rai ida ne’e, PD mai la hanoin lakon ka manan.
Jornalista Ana
Editór Luis
