PLP-Khunto: Preokupa Autoridade Dili, Hada’u Sasan Negosiante Ki’ik

Naunil Média (Díli), Bandaka Partidu Libetasaun Popular (PLP), iha Parlamentu Nasional (PN), Preokupa Servisu Autoridade Munisipiu Dili, Ne’ebe kontinua hada’u negosiante ki’ik ne’ebe hala’o aktividade iha dalan ninin.

Negosiante ki’ik ne’ebe fa’an sasan iha estrada ninin iha Kapitaln Dili ne’e hanesan heroi hodi luta ba sira nia a’an, Hodi  buka han hemu nian.

Ho Nune’e Deputadu Bankada PLP, Abel Pires, Kestiona Servisu Autoridade Munisipiu Dili, ne’ebe hada’u kontinua hada’u nafatin negosiante ki’ik sira nia sasan iha dalan ibun.

“ Hau hanoin autoridade Munisipiu Dili, tenke trata negosiante sira ne’e ho dignu, Tanba sira hanesan eroi ba sira nia a’an, Sira la tane liman ba governu, Maibe sira moris hosi sira nia kosar be’en rasik,” Dehan  Deputadu  Abel Pires, Iha sesaun Plenaria PN, Segunda, (10/01).

Nia kritika, Lolos ne’e estadu iha dever tomak hodi kria kondisaun ba negosiante sira, Ho nune’e sira labele buka moris tan iha dalan ibun. Maibe realidade la akontese estadu haruka parte relevante sira tu’un hodi duni negosiante ki’ik sira ne’e ba mai no a’at liu tan maka hada’u hotu negosiante sira nia sasan ne’ebe maka sira fa’an.

Iha sorin seluk, Deputadu Bankada Partidu KHUNTO Antonio Verdial haktuir, Problema sira hanesan ne’e la’os foin akontese ne’e. Maibe bebeik ona, Tanba ne’e husu ba governu atu kria kondisaun ne’ebe dignu ba negosiante dalan ibun sira nee.

“ Negosiante sira ne’e atu labele okupa tan dalan ninin hodi halo negosiu, maka governu tenke kria kondisaun ne’ebe di’ak ba sira.” Tenik nia hodi hatutan.

Fatin laiha maka to’o agora komunidade sira sei kontinua fa’an hela iha dalan ibun sira nee,” Ana