FEATUREDIkus LiuNewsPolitika

CNRT Ho FRETILIN Kestiona Ró Berlin Ramelau Laiha Ekipamentus Protejidu

Fahe Tutan

Naunil Media (Díli), Deputado/a iha Parlamentu Nasionál (PN) prekupa no kestiona makas liu Ró berlin Ramelau laiha ekipamentu atu fasilita pasajeiru sira durante hala’o operasaun husi Díli ba Oe-Cussi.

Deputadu Bankada Partidu Congresso Nascional Reconstrução Timor-Leste (CNRT), Domingos de Carvalho, Hatete dadauk Ró Berlin Ramelau nia kondisaun foun no kapas los.

“Maibé ho ekipamentu atu proteje pasajeiru sira laiha ho ekipamentu iha laran ne’e, la sufisiénte sala bo’ot ida ba ita-nia pasajeiru sira atu tur kadeira sira ne’e, tanba iha ne’ebá ne’e ita tama iha laran ne’e manas”, dehan deputadu Domingos de Carvalho  iha sala plenária PN, tersa (11/01).

Maibé ho ida ne’e husu atu monta netik AC (air conditioner) ruma iha laran rua husi sorin, no rua husi sorin, atu proteje nafatin pasajeiru sira, nia sujere.

Iha sorin seluk Deputada Bankada  governu husi Partidu Frente Revolusionario Timor-Leste Independensia (FRETILIN), Noemia Siqueira, Dehan husu ba Ministru Transporte no Komunikasaun atu haree kona-bá asuntu Ró Berlin Ramelau.

“Tanba preparasaun iha karan ladun di’ak, hanesan kafetária, hahán, laiha atu sustenta pasajeiru sira halo viajen kalan ida tomak. Husu ba Ministériu Transporte no Komunikasaun, atu kria kondisaun ne’ebé mak di’ak para Ró ne’e bele fasilita ita-nia populasaun ba tempu naruk nian”, Tenik nia.

Nia hatutan,  Nune’e mós iha fatin lixu iha Ró laran, tau fali iha leten, maibé iha fatin pasajeiru ninian ne’e la tau ida ne’e.

“kestionavel tanba Ró ne’e nia kondisaun foun mak buat hotu hahú la’o rungu ranga hanesan ne’e ladun di’ak ”, Te nik nia

Jornalista .Ana

Editór Luis Lopes

Leave a Reply

Your email address will not be published. Required fields are marked *