FEATUREDIkus LiuNewsSaude

Institutu kombate HIV Sida Fahe Informasaun Prevensaun MHRS Ba Membru-Bombeiros

Fahe Tutan

Naunil Media (Díli), institutu moras hadaet husi relasaun sexual (MHRS) halo abertura fahe informasaun hodi prevene MHRS ba membru bombeiros sira.

Tuir prezidente institutu kombate HIV sida Atanazu de Jesus,  Informa ita nia kadetes bombeiros sira, sira joven ne’ebé foun no sira foin mak involve an iha kadetes bombeiros nian, maibé  sira persiza duni atu fahe informasaun ho relasaun agrevu sira ba sira hodi nune’e Sira bele komprende iha konesimentu ne’ebe diak, liu-liu atu halo prevensaun ba nia an.

Tanba sira ne’e ema bolu P3K, ne’ebé sira mak ajuda Ema primeiru bainhira ema ruma hetan asidente, liu-liu asidente ahi han uma

“Virus HIV ne’e laos daet de’it liu husi relasaun sexual, maibé ho ita nia ajuda sosiál ne’ebé ita halo bele mós kona uluk ita nia maun alin sira, ne’ebé halo atividade sosiál ne’e”,  Dehan prezidente institutu kombate HIV Sida  ba jornalista sira iha salaun Bombeiros Caicoli,  Tersa (11/01).

Prezidente institutu kombate HIV sida haktuir, Relasiona ho buat hirak ne’e mak institutu nasional kombate sira ohin loron primeiru ba tinan 2022 hahú hala’o atividade ne’e iha Bombeiros, ho nune’e mos iha kordenasaun ne’ebé di’ak entre lideransa masimu iha Bombeiros nian ho institutu nasional kombate sira.

“Planu asaun ba institutu nasional kombate Sida ninian ne’e, planu sei ba munisípiu no ba iha suku sira hotu, liu-liu iha tinan kotuk, ita haree institutu nasionál kombate sira nia área ba liu iha área remotas suku sira, hodi nune’e fahe informasaun ba ita nia komunidade Sira”,  Prezidente esplika.

Iha Fatin hanesan Diretór Nasionál Bombeiros Claudio Silva hateten, Hanesan servisu operasional ami senti katak interesante tebes duni, tanba ne’e ami agradese ba oportunidade ohin tanba ohin ami bele hetan informasaun deziminasaun kona-bá informasaun saida Mak HIV. Tanba durante ne’e ita rona hela moras HIV, Maibé durante ne’e ita fokus los ba Covid-19.

 “Ha’u hanoin tempu to’o ona para ita atu tau atensaun ba moras sira, ne’ebé afeta ou ameasa ba ita nia saúde”,  Katak nia.

Nia akresenta, Tanba ne’e mak ami hanoin katak iha bombeiros presiza tebes, fahe informasaun sira ne’e ba ami nia membru sira hotu.

Entretantu ofisial moras hadaet husi relasaun sexual (MHRS) David de Jesus Verdial hateten , Dadus ba moras HIV sida Ministeriu saude rezista hahu husi tinan 2003 to’o setembru 2021 ita rezista ona kazu akumulativu hamutuk 1464, mate ona 234 no ba sira ne’ebé  tratamentu hela hamutuk 719, restu sira ne’e agora dropout.

Ba sira ne’ebe mak Agora tratamentu hela ne’e, agora dadauk tratamentu iha HNGV, ospital referal 5, inklui bairu Pite no sentru saúde Vera Cruz.

Jornalitsa LTS

Editor Lop

Leave a Reply

Your email address will not be published. Required fields are marked *