Reitor UNTL Husu Graduante Sira Uza Matenek Hodi Servi Nasaun
Naunil Media (Díli), Reitor Universidade Nasionál Timor Lorosa’e (UNTL), João Soares husu graduante hamutuk 642 simu graduasaun ba Dala XXV, tenke uza matenek ne’ebé mak iha hodi servi nasaun Timor-Leste.
“Mensajem ba graduante sira katak, graduasaun la’os fim ba buat hotu, maibé ne’e mais etapa inisiu ida tan para sira atu bele hahú vida foun, mesmu agora sira husik ona vida estudante husik ona ba komunidade no ba inan aman sira, i espera katak bele utiliza sira nia matenek ne’ebé mak sira hetan hodi hala’o servisu tuir ida-idak nia profisaun ne’ebé mak sira iha, no atu bele hetan servisu di’ak ba sira nia família, ba iha ita nia komunidade no servi mós ba ita nia nasaun”, Dehan reitor UNTL João Soares ba jornalista iha salaun sentru konvensaun Díli (CCD) Tersa (11/01).
Reitor ne’e hatutan, Ami Senti orgullu no kontenti ho graduasaun ne’ebé mak halo no hatudu katak, mesmu iha situasaun pandemia nia laran, maibé prosesu aprendizazem lao nafatin, nia resultadu mak ohin realiza graduasaun.
Tuir estudante graduandu Olinda Azivedo, Hateten sente kontente no agradese, tanba maske kleur durante tinan hitu miabé ohin loron bele finaliza ikus katak hodi taka sapeu metan.
“Ha’u agradese ba família kolega tomak ho sira nia motivasaun esforsu, ohin ha’u finaliza ona ha’u nia estudu”, katak nia.
Nia hatutan, Durante tinan hitu nia laran midar no moruk mak Ha’u hasoru, tanba situasaun lahanesan ho ema seluk, Inan Deit mak hare no suporta tanba aman husik ona ami ba mundu seluk durante tinan barak nia laran.
Maske situasaun barak mak Ha’u hasoru, maibé Ha’u nafatin esforsu hori lao tuir ho Ha’u nia moto ne’ebé mak ha’u iha katak “Muda Ha’u Nia An La’os Husi Ema Seluk Maibé Ha’u an Rasik”, Hakotu nia.
Jornalista LTS
Editór Luis Lopes
