Koordenadór Eskola Sekundária Kilik Wai-Gae Husu PR “Lú-Olo” Apoiu

Naunil Media (Díli), Koordenadór Interinu Eskola Sekundária Kilik Wai-gae Angelmo Freitas Migato  husu ba Prezidenti Repúblika Francisco Guterres “Lú Olo”  apoiu ba kondisaun eskola no mós tau matan ba professor voluntariu sira.

“Ami sente katak buat sira ne’e nesesariu tebes ami hato’o ba Prezidenti Repúblika atu bele fó tulun mai ami liuliu bele halo melloramentu kondisaun eskola,  no mós tau matan ba professor sira,  ne’ebé mak dadauk ne’e ami estabelese iha eskola sekundária Kilik Wai-Gae Baucau,” dehan Koordenadór Interinu Eskola Sekundária Kilik Wai-Gae. Ba jornalista sira iha Palásiu Prezidensiál Nicolau Lobato Bairru Pite, kuarta (13/01).

“Ami sente katak buat sira ne’e nesesariu tebes ami hato’o ba Prezidenti Repúblika atu bele fó tulun mai ami liuliu bele halo melloramentu kondisaun eskola,  no mós tau matan ba professor sira,  ne’ebé mak dadauk ne’e ami estabelese iha eskola sekundária Kilik Wai-Gae Baucau,” dehan Koordenadór Interinu Eskola Sekundária Kilik Wai-Gae. Ba jornalista sira iha Palásiu Prezidensiál Nicolau Lobato Bairru Pite, kuarta (13/01).

Koordenadór Interinu ne’e hatutan,  Assuntu hirak ne’ebé mak sira aprezenta ba Prezidente Repúblika,  liuliu mak kona-ba kondisaun eskola ne’ebé mak afeta tebes ba prosesu ensinu aprendisazen, EBC Seiçal , no mós falta mobiliarius ba professor no alunus atu bele hola parte ba prosesu aprendisazen iha tinan ida ne’e.

Angelmo hateten,  Kuaze professor sira ne’ebé estabelese ka destaka iha eskola sekundária Kilik Wai-Gae,  ne’ebé foin lalais estabelese maioria professor mesak voluntariu ka laiha salariu husi organizasaun konpetente atu tau matan.

Nia esplika,  Totál estudantes ne’ebé dadaun ne’e iha hamutuk 52, professor hamutuk 18 maioria voluntariu hotu de’it no na’in 2 mak husi Díli ne’ebé sai hanesan professor permanente hodi apoiu ba eskola ne’ebé mak sira foin lalais estabelese ne’e.

Nia informa, Dadaun ne’e eskola iha sala rua, tanba sira foin tinan kotuk ne’e mak hahú no dadaun prepara ba rezistu anu letivu 2022, no sira sei halo preparasaun ba ida ne’e, maibé iha tinan ne’e mak anulus aumenta entaun sira laiha ona Espasu para kontinua ba prosesu aprendisazen.

Nia dehan,  Ministru Edukasaun rasik mós to’o tiha iha ona eskola refere,  iha tinan kotuk liu ba haree tiha ona kondisaun eskola,  maibé sira hanoin ida ne’e presiza tempu naruk tanba polítika mós buat ida atu estabelesementu, nune’e bele mellora tanba ne’e mak sira mai direita iha Prezidente Repúblika nia fatin.

Iha enkontru ne’e Prezidenti Repúblika mós hateten tuir loloos ne’e iha ministeiriu edukasaun, maibé nu’udar xefí estadu sei iha kordenasaun mós ho Ministeiriu edukasaun,  atu bele tau matan no fó mós melloramentu ba kondisaun eskola ne’ebé dadaun ne’e hasoru.

Jornalista *Jos

Editór Lop