Sana Laran Mamuk, Obriga Inan Faluk Tereza Husu Foos, Laiha
Naunil Media (Díli), Inan faluk Tereza Maria Exposto sente la hakmatek tanba haree ba sana laran mamuk obriga nia tenke ba husu foos iha Ministeiru Solidadriedade Sosiál no Inkluzaun (MSSI), maibé foos laiha.
Ohin ha’u ba sosiál atu husu foos, maibé sira dehan armazen mamuk no laiha foos.” Dehan Tereza Maria Exposto ba jornalista sira iha CNE Colmera, kuarta (12/01).
Laen halai husik hela fen Teresa Maria Expoato ho oan na’in tolu (3), hela iha aldeia 12 de Outubro suku Comoro ne’ebé oras ne’e hela ho oan na’in tolu (3).
Laen husik hela fen ho oan tanba problema família Teresa buka alternativu sustenta oan sira nia kabun, nia ho oan moris mesak durante fulan tolu ona, obriga nia tenke tama sai uma buka foos atu hatutan moris.
Maske hasoru dezafiu oi-oin, maibé Tereza buka alternativu hodi sustenta nia oan sira kabun atu labele hamlaha iha loron ida.
No antes ne’eTereza nia laen kaben deside fila ba Ermera Hatolia iha loron finadu to’o agora seidauk fila, Tanba problema família to’o agora la haruka osan mai atu sosa foos hodi fó han oan ho fen.
“Ha’u ho oan na’in tolu (3) mak hela iha Tasi Tolu no foos hotu loron rua ona, no durante loron rua ne’e ami han viziñu sira mak fó foos hodi ami tein hodi han”, Katak nia ho matan wen.
Nia akresenta, Ha’u iha oan na’in lima (5) no na’in rua dau-dauk ne’e eskola iha Ainaro no na’in tolu hela hamutuk iha Tasi Tolu.
Jornalista Ana
Editor Lop
