Timoroan Hamutuk 71, Ba Servisu Iha Korea Iha Semana Ne’e

Naunil Media (Díli), Diresaun Nasionál Empregu Esterior (DNEE), ho sekretariu estadu formasaun profesional empregu prepara traballador Timor oan hamutuk nain 71 Sei ba servisu iha Korea do Sul iha loron Sexta 14 Fulan Janeiru tinan ida ne’e.

“Ohin ita nia seremonia despedida ba ita nia traballador sira, inklui mós asina deklarasaun entre família traballador sira na’in 71 ne’e, ne’ebé mak ita prepara atu aranka iha loron 14 agora”., Dehan Diretór Jerá l DNEE Filomeno Soares ba jornalista hafoin halo despedida ba traballador Sira iha salaun DNEE Becora (12/01).

Diretór Jerál DNEE haktuir, Husi traballador na’in 71 ne’e kompostu husi iha área fabrika hamutuk na’in 28, iha área peskas na’in 30, no mós traballador ne’ebé mak antes ne’e sira servisu tiha iha Korea, maibé sira fila mai halo teste espesial ida teste ba sira, no sira hetan oportunidade ne’e hamutuk na’in 13, ne’ebé traballador total hamutuk 71 mak ita sei prepara atu aranka iha loron sexta 14.

Traballador sira nia saúde kuaze prosesu hotu sira tuir hotu ona, ne’ebé aban dia 13 Tama ona ba faze ofisial tes para atu hetan sertifikadu ba aplay internasional nian, depois ita sei prepara sira ba iha ijolamentu iha hotel sira Díli laran ne’e, depois ita sei lori sira ba aeroportu iha loron 14.

Iha Fatin hanesan traballador Santana do Carmo katak, nudar joven timoroan hakarak muda moris família, entaun ida ne’e hanesan oportunidade di’ak ida,  para bele ba aprende ema nia eskil servisu iha nasaun korea, para oinsa fila mai bele aplika fali iha ita nia nasaun Timor- Leste, Dehan nia.

“Planu pesoal ba Ha’u priridade liu ba seitór produtivu ne’ebé mak bele iha ninia sustentabilidade moris ne’e sei nafatin ba oin, ida ne’e mak prinsipal liu”, Katak nia.  

Jornalista LTS

Editór Lop