Tempu Badak SEFOPE Sei Haruka Traballador 23 Ba Austrália
Naunil Media (Díli), Sekretariu Estadu Formasaun Professional no Empregu (SEFOPE) liu husi Diresaun Nasionál Empregu Estrior (DNEE) sei haruka traballador Timor oan hamutuk nain 23 ba Austrália.
“Totál traballador ne’ebé mak tuir brefing ne’e hamutuk 23, maibé sira nain 6 sei aranka iha dia 27 Janeiru agora no na’in 17 sei aranka iha dia 6 Fevereiru fulan oin no sira na’in 23 ,ne’ebé atu aranka ne’e sira tuir hotu formasaun iha loron hirak nia laran nune’e prepara sira atu ba”, dehan Diretor Diresaun Nasionál Empregu Estrior Filomino Soares ba Jornalista bainhira remata fó brefing ba trabalhador sira iha Salaun ETDA, Kinta, (13/01/33).
Diretór ne’e hatutan durante tempu Covid-19 guvernu liu husi SEFOPE nunka halo mobilizasaun trabalhador ba Austrália, maibé iha tinan 2022 hetan ona informasaun balun no mós demanda balun husi Austrália katak sira hanoin atu simu traballador sira hanesan tuan no foun balun ne’ebé mak agora dadauk prepara ona nune’e sira bele aranka iha tempu badak.
Filomino hateten, Kriteria ne’ebé mak oferese husi kompaña sira Austrália mak traballador sira tenke iha koñesimentu ba lian ingles, karik sira foun sira nia fiziku tenke tuir matadalan ne’ebé hatur ona iha programa Sensesional Worker.
Nia dehan, Iha kriteria balun mós ba traballador tuan ba sira ne’ebé mak hetan servisu, dala ida ka dala rua iha Austrália entaun sira kompaña mak iha konfiansa ba sira no konpaña buka oinsá para bele manda fali sira nia naran ne’e mai nune’e sira bele ba fali ne’e, tanba empregador sira mak eskolla no mós sira nia kontratu ne’e masimu fulan 9 no minimu ne’e fulan 5 de’it.
Iha fatin hanesan trabalhador Vitorino Graçia da Costa sente kontenti no agradese ba governu tanba bele hetan oportunidade nune’e semana oin sira bele aranka ona.
“Wainhira kmnpaña husi Austrália fó oportunidade mai ha’u sente kontenti tanba ne’e no mós ha’u fó obrigado ba SEFOPE tanba nafatin fó oportunidade mai ha’u no semana oin ami aranka ona,”katak traballador.
Jornalista *Jos
Editór Lop
