Lere: Tinan 20 TL Hari F-FDTL Governu Presiza Kria Kondisaun

Naunil Media (Díli), Xefí Estadu Maior General das Falintil Forsa Defeza Timor-Leste (F-FDTL), Tenente General Lere Anan Timur hateten, Timor-Leste (TL) hari forsa armadas tanba ne’e governu presiza kria kondisaun.

“Tenke iha meus hotu-hotu ba servisu militár tantu komponente Naval, komponente terestre, komponente Aero sira tenke iha ona meus, ita tinan 20 hari forsa armadas presiza kria kondisaun ida ne’ebé mak importante”, dehan Tenente General Lere Anan Timur ba jornalista sira hafoin enkontru ho Prezidenti Repúblika Francisco Guterres Lú Olo iha palásiu Prezidensiál Nicolau Lobato Bairru Pite, Sexta (14/01/22).

Lere hatutan,  Ko’alia kona-ba forsa armadas vida famíliar hanesan baibain dehan katak, ema iha mundu nu’udar sidadaun serbí buat rua de’it mak serbí estadu no serbí família, agora sira serbí estadu maibé sira nia família mizeravel hela mós serbí estadu ladún di’ak.

Tenente General hateten,  Família mak harii estadu entaun guvernu mós tenke tau matan ba forsa armada nian, bem estar tanba militár sira nian mak importante tanba haree mós ba dignidade. instituisaun ida nian

Tanba ne’e mak ohin nia mai hato’o no Informa situasaun Militár nian ba xefí estadu tanba problema forsa armadas, mak kondisaun laiha hanesan kareta laiha buat hotu fraku agora governu ida ne’e ka governu ida mai tenke haree problema ida ne’e, halo oinsá para forsa sira Professional ne’e mak importante, Nia sujere.

Iha enkontru ne’e Prezidenti Repúblika mós fó rekomendasaun ba governu mak tenke ezekuta no prezidenti Repúblika, la taka matan ba komponente sira hotu, tanba Prezidenti Repúblika hanesan Komandante Supremu Forsa Armada.

Jornalista *Jos

Editór Lop